ᑲᑎᒪᔩᑦᐊᐅᓚᑦᑎᔨᐅᓪᓗᑎᒃ

ᒫᒡ ᐃᑉ
ᐃᒃᓯᕙᐅᑕᖅ

ᒫᒡ ᐃᑉ

ᐃᒃᓯᕙᐅᑕᖅ
ᐃᖃᓗᒃᑑᑎᐊᖅ

ᒫᒡ ᐃᑉ ᐃᒃᓯᕙᐅᑕᕆᔭᐅᓯᒪᓕᖅᑐᖅ ᑲᑎᒪᔨᓄᑦ ᑕᐃᒪᖓᑦ 2017−ᒥ.  ᐱᖓᔪᒋᔭᖓᓂᒃ ᑲᑎᒪᔨᐅᕝᕕᖃᓕᖅᑐᖅ ᑕᐃᒪᖓᑦ ᑎᒃᑯᐊᖅᑕᐅᓚᐅᖅᓯᒪᒐᒥ ᑲᑎᒪᔨᓄᑦ 2010−ᖑᑎᓪᓗᒍ.

ᒥᔅ ᐃᑉ ᑐᑭᒧᐊᒃᑎᑦᑎᔨᒻᒪᕆᒋᔭᐅᔪᖅ ᕿᑎᕐᒥᐅᓂ ᓄᓇᓕᓐᓂ ᓯᕗᓂᒃᓴᓕᕆᓂᕐᒧᑦ.  ᐃᓕᓴᕆᔭᐅᔾᔪᑎᖃᖅᑐᖅ ᐃᓕᓐᓂᐊᕌᓂᒃᓯᒪᓂᕐᒧᑦ ᑮᓇᐅᔭᖃᕐᕕᓕᕆᓂᕐᒥᒃ/ᓂᐅᕕᖅᑐᓕᕆᓂᕐᒥᒃ ᓵᔅᑲᑑᓐᒥ ᓯᓚᑦᑐᖅᓴᕐᕕᔾᔪᐊᖓᓂ ᐊᒻᒪ ᓱᓕ ᐃᓕᓐᓂᐊᕌᓂᖕᓂᕐᒧᑦ ᐃᓅᓯᓕᕆᓂᕐᒥᒃ ᐊᒻᒪ ᓄᓇᖃᖅᑳᖅᓯᒪᔪᓕᕆᓂᕐᒥᒃ ᐃᓕᓴᕆᔭᐅᔾᔪᓯᐊᖅᓯᒪᒋᓪᓗᓂ.  ᒥᔅ ᐃᑉ ᐃᓕᓴᕆᔭᐅᔾᔪᑎᖃᖅᑐᖅ ᐊᑐᖅᑐᐊᕈᓐᓇᖅᑎᑦᑎᓂᕐᒧᑦ ᑎᑎᕋᖅᑎᐅᓂᕐᒥᒃ ᑲᓇᑕᐅᑉ ᑎᒥᖁᑖᓂ ᐊᑐᖅᑐᐊᕐᕕᒡᔪᐊᒥ ᐊᒻᒪᓗ ᓱᓕ ᐃᖅᑲᓇᐃᔭᖅᑎᓂᒃ ᐊᑭᓕᖅᓱᐃᓂᕐᒧᑦ ᒪᓕᒐᓕᕆᓂᕐᒥᒃ ᑲᓇᑕᐅᑉ ᐊᑭᓕᖅᓱᐃᔨᖏᑕ ᑲᑐᔾᔨᖃᑎᒌᖏᓐᓂ.  

ᒥᔅ ᐃᑉ ᐊᑭᓕᖅᓱᖅᑕᐅᙱᖦᖢᓂ ᐃᑲᔪᖅᑎᐅᖃᑦᑕᖅᑐᑦ ᐃᖃᓗᒃᑑᑦᑎᐊᒥ, ᐊᒻᒪ ᕼᐋᒻᓚᑯᓐᓄᑦ ᑲᑎᒪᔨᐅᖃᑕᐅᓚᐅᕆᓪᓗᓂ ᐱᓕᕆᐊᖃᖃᑕᐅᓪᓗᓂᓗ ᓄᓇᖓᓐᓂ ᕼᐋᑭᖅᑎᓂᒃ ᐊᒻᒪ ᓄᓇᕗᒻᒥᐅᑦ ᒪᒃᑯᒃᑐᖁᑎᖏᑕ ᕼᐋᑭᖅᑎᖏᓐᓄᑦ.  ᒫᓐᓇᐅᔪᖅ ᐸᕐᓇᐃᔩᑦ ᑲᑎᒪᔨᐊᓛᖏᓐᓂ ᐃᓚᒋᔭᐅᖃᑕᔪᖅ ᕿᑎᕐᒥᐅᑦ ᐃᖅᑲᓇᐃᔮᓄᑦ ᑕᑯᒃᓴᐅᑎᑦᑎᓂᐅᖃᑦᑕᖅᑐᒧᑦ ᐊᒻᒪᓗ ᕿᑎᕐᒥᐅᓂᑦ ᓇᒻᒥᓂᖃᖅᑎᐅᔪᑦ ᑕᑯᔅᓴᐅᑎᑦᑎᔨᖏᓐᓄᑦ. 

ᑐᕋᐃᓯ ᕚᓚᔅ
Vice-Chairperson

ᑐᕋᐃᓯ ᕚᓚᔅ

Vice-Chairperson
ᑲᖏᖅᖠᓂᖅ

ᒥᔅ ᕗᐊᓚᔅ ᑲᑎᒪᔨᐅᖃᑕᐅᓯᒪᓕᖅᑐᖅ 2016−ᒥᓂᑦ ᒫᓐᓇᐅᔪᖅ ᐃᒃᓯᕙᖃᑕᐅᔭᕆᐅᖅᑐᖅ ᑲᑎᒪᔨᐅᓂᕐᒧᑦ.  ᑎᑎᕋᖅᑎ−ᑮᓇᐅᔭᓕᕆᔨᐅᓯᒪᓕᕐᒥᔪᖅ ᐊᑐᖅᑐᐊᕐᕕᒃᑯᑦᑯᐊᐳᕇᓴᖓᓂ.   
 
ᒥᔅ ᕗᐊᓚᔅ ᐱᓕᕆᖃᑦᑕᖅᓯᒪᓂᑰᔪᖅ ᐱᓇᓱᐊᕐᕕᖕᒥ ᖃᐅᔨᒪᔨᒋᔭᐅᓪᓗᓂ ᐊᒻᒪᓗ ᑮᓇᐅᔭᓕᕆᓂᕐᒥᒃ ᐱᔨᑦᑎᕋᖅᑎᐅᖃᑦᑕᖅᓯᒪᒋᓪᓗᓂ.  ᖃᐅᔨᒪᓂᖃᕐᓂᓂ ᓇᒃᓴᖅᐸᐅᒃ ᑮᓇᐅᔭᓕᐅᕋᓱᐊᖅᑎᐅᓐᖏᑦᑐᖅ ᑲᑐᔾᔨᖃᑎᒌᓄᑦ ᐊᒻᒪᑦᑕᐅᖅ ᐋᔩᖅᑎᐅᖃᑦᑕᖅᓯᒪᒋᓪᓗᓂ, ᐸᕐᓇᐃᔨᐅᓪᓗᓂ ᑎᒥᐅᔪᒧᑦ, ᖃᐅᔨᒪᔨᑕᕆᔭᐅᓪᓗᓂ ᐃᑲᔪᖅᑎᐅᓯᓐᓈᑦ, ᐊᒻᒪᓗ ᐱᓕᕆᖃᑎᒌᓂᒃ ᓴᙱᒃᑎᓴᐃᕙᒃᑭᓪᓗᓂ. 
 
ᐃᓕᓴᕆᔭᐅᔾᔪᑎᖃᕆᕗᖅ ᐃᓕᓐᓂᐊᖅᓯᒪᓂᕐᒧᑦ ᐱᓇᓱᐊᕐᕕᖕᒥ ᑎᑎᕋᖅᑎᐅᓂᕐᒧᑦ ᐱᓕᕆᐊᕆᓪᓗᐊᑕᕐᓂᑰᓪᓗᓂᐅᒃ ᓂᐅᕐᕈᑎᖃᕐᓂᖅ/ᒪᓂᓴᐅᑎᓕᐅᕐᓂᖅ ᑕᐃᑲᓂ ᕋᑦ ᑎᐅ ᓯᓚᑦᑐᖅᓴᕐᕕᐊᓂ.  ᒥᔅ ᕗᐊᓚᔅ ᐃᓕᓴᕆᔭᐅᔾᔪᑎᖓ ᐱᓇᓱᐊᕐᕕᖕᓄᑦ ᑎᑎᕋᖅᑎᐅᓂᕐᒧᑦ ᓱᓕᑦᑕᐅᖅ ᖃᐅᔨᒪᓂᖃᕈᑎᒋᕙᐅᒃ ᐊᐅᓚᑦᑎᔨᐅᓂᕐᒥᒃ ᑐᓴᐅᒪᖃᑦᑕᐅᑎᓕᕆᓂᕐᒥᒡᓗ.  

ᒥᔅ ᕗᐊᓚᔅ ᐃᓕᓐᓂᐊᖅᓯᒪᖕᒥᔪᖅᑕᐅᖅ ᑐᖅᑯᐃᓂᕐᒥᒃ ᐊᑐᖅᑐᒃᓴᒫᓄᑦ ᐊᒻᒪ ᐊᑦᑕᕐᓇᖅᑐᒦᑦᑕᐃᓕᓂᕐᒥᒃ ᑲᓇᑕᒥ ᑮᓇᐅᔭᖃᕐᕕᖏᓐᓂ ᐊᒻᒪ ᐊᓂᒍᐃᓯᒪᒋᓪᓗᓂ ᐃᓕᓐᓂᐊᕐᓂᒃᑯᑦ ᓄᓇᕗᑦ ᓯᕗᓂᒃᓴᕗᑦᐃᓕᓐᓂᐊᒐᖓᓂᒃ. 
 
ᒥᔅ ᕗᐊᓚᔅ ᒫᓐᓇᐅᔪᖅ ᐃᖅᑲᓇᐃᔭᖅᑐᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖓᓐᓄᑦ ᑲᖏᖅᖠᓂᕐᒥ ᐊᒻᒪᓗᑕᐅᖅ ᓄᓇᕗᑦ ᒐᕙᒪᒃᑯᖏᓐᓄᑦ ᐊᔾᔨᒌᖏᑦᑐᓄᑦ ᐱᓕᕆᕝᕕᖕᓃᖃᑦᑕᖅᓯᒪᖕᒥᔪᖅ.  ᐊᖓᔪᖅᑳᖑᓪᓗᓂ ᐊᐅᓚᑦᑎᔨᐅᓚᐅᕐᒥᔪᖅ ᐊᑐᖅᑐᐊᕐᕕᒃᑯᐊᐳᕋᐃᓴᓐᑯᓐᓄᑦ ᐊᒻᒪᓗ ᓄᓇᕗᑦ ᓯᕗᓂᒃᓴᕗᒻᒥ ᑎᑎᕋᖅᑎᓄᑦ ᐃᓱᒪᑕᕆᔭᐅᓚᐅᕆᓪᓗᓂ. 
 
ᒥᔅ ᕗᐊᓚᔅ ᐃᓕᓴᕆᔭᐅᔾᔪᓯᐊᖅᓯᒪᔪᖅ ᒪᒃᑯᒃᑐᓂ ᐱᓇᓱᐊᕐᕕᖃᖅᑐᓂ ᐃᓕᓴᕆᔭᐅᔾᔪᑎᒥᒃ ᑕᐃᑲᖓᑦ ᐱᓇᓱᐊᖅᑏᑦ ᐱᕈᖅᓰᔨᖏᑦ ᑲᓇᑕᐅᑉ ᑮᓇᐅᔭᖃᕐᕕᖓᓂᑦ. 

Aziz Kheraj

Director at Large

Aziz Kheraj

Director at Large
Resolute Bay

Aziz Kheraj is the newest member of the Nunavut Business Credit Corporation board.  Aziz was appointed in 2019 and brings over 40 years of being an owner/operator of successful businesses in Nunavut.  He resides in the High Arctic community of Resolute Bay where he spends time with his wife, Aleeasuk, and their grandchildren.

ᑖᒥ ᐊᐅᓕᑦᔪᑦ, ᐊᕐᕕᐊᑦ
Director at Large

ᑖᒥ ᐊᐅᓕᑦᔪᑦ, ᐊᕐᕕᐊᑦ

Director at Large
ᐊᕐᕕᐊᑦ

ᑖᒥ ᐊᐅᓕᑦᔪᑦ ᒫᓐᓇᐅᔪᖅ ᓄᓇᖃᖅᐳᖅ ᐊᕐᕕᐊᓂ ᐊᕕᒃᑐᖅᓯᒪᔪᓂ ᐸᕐᓇᐃᔨᐅᓪᓗᓂ ᓄᓇᕗᒻᒧᑦ ᐸᕐᓇᐃᓂᕐᒧᑦ ᑲᒪᔨᐅᔪᓄᑦ. ᐱᓕᕆᖃᑦᑕᕐᓂᑰᕗᖅ ᒐᕙᒪᒃᑯᓐᓄᑦ ᐊᒻᒪᓗ ᓇᖕᒥᓂᕆᔭᐅᔪᓂᑦ ᑲᑐᔾᔨᖃᑎᒌᖑᔪᓄᑦ ᓄᓇᕗᒻᒥ ᐊᕐᕌᒍᓄᑦ 30 ᐅᖓᑖᓄᑦ ᐊᔾᔨᒌᖏᕈᓘᔭᖅᑐᓂᑦ ᐱᓕᕆᓂᐅᔪᓂᒃ ᐊᒻᒪᓗ ᑲᒪᒋᔭᖃᕐᓂᕐᒥᑦ. ᒥᔅᑕ ᐊᐅᓕᑦᔪᑦ ᓇᒃᓴᖅᐳᖅ ᖃᐅᔨᒪᓂᖃᕕᒡᔪᐊᕐᓂᕐᒥᑦ ᓇᖕᒥᓂᖃᕐᓂᕐᒧᑦ ᐊᕙᑎᐅᔪᒥᑦ ᑭᕙᓪᓕᕐᒥᙶᖅᖢᓂ.

ᐱᒋᐊᓚᐅᖅᑳᕋᓂ ᐊᕕᒃᑐᖅᓯᒪᔪᓂ ᐸᕐᓇᐃᔨᐅᓂᕐᒥᑦ ᓄᓇᕗᒻᒧᑦ ᐸᕐᓇᐃᓂᕐᒧᑦ ᑲᒪᔨᐅᔪᓄᑦ, ᒥᔅᑕ ᐊᐅᓕᑦᔪᑦ ᐅᑯᓇᓂ ᐱᓕᕆᐊᖃᖃᑦᑕᓚᐅᖅᓯᒪᕗᖅ:

  • ᐃᓱᒻᒥᖅᑐᐃᔨ, ᓄᓇᕗᑦ ᑐᙵᕕᒃ ᐱᖅᑯᓯᓕᕆᓂᕐᒧᑦ ᐊᒻᒪᓗ ᐃᓅᓯᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᕕᒃ
  • ᐊᐅᓚᑦᑎᔨ, ᐊᕐᕕᐊᑦ ᐊᖑᓇᓱᒃᑎᓂᑦ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᖏᑦ
  • ᓄᓇᓕᖕᓂ ᑭᒡᒐᖅᑐᐃᔨ, ᕼᒻᓚᒃᑯᑦ ᐊᕐᕕᐊᓂ
  • ᐊᕕᒃᑐᖅᓯᒪᔪᓄᑦ ᐊᐅᓚᑦᑎᔨ, NTCL ᑭᕙᓪᓕᕐᒥ
  • ᐃᓱᒻᒥᖅᑐᐃᔨ, ᑭᕙᓪᓕᖅ ᐆᒪᔪᓕᕆᓂᕐᒥᑦ ᑲᑎᒪᔩᑦ
  • ᐊᓪᓚᒡᕕᖕᒧᑦ ᐊᐅᓚᑦᑎᔨ, ᐊᕐᕕᐊᑦ ᐃᓕᓐᓂᐊᖅᑐᓕᕆᔨᒃᑯᑦ
  • ᐃᓕᓴᐃᔨ, ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᕐᕕᒃᓴᖅ

ᐋᓚ ᓚᕼᐅᕐ
Director at Large

ᐋᓚ ᓚᕼᐅᕐ

Director at Large
ᖃᒪᓂᑦᑐᐊᖅ

30 ᐊᕐᕌᒎᓕᖅᑐᓂᑦ, ᒥᔅᑕ ᓚᕼᐅᕐ ᐊᐅᓚᑦᑎᓯᒪᓕᖅᑐᖅ ᑲᔪᓯᓂᖃᑦᑎᐊᖅᑐᒥᒃ ᑳᓐᑐᕌᒃᑦ−ᑕᐅᓲᕐᒥᒃ ᐊᒻᒪᓗ ᓱᓇᒃᑯᑖᖃᖅᑎᑦᑎᔩᑦ ᑲᒻᐸᓂᖓᓂᒃ, ᖃᒪᓂ’ᑐᐊᕐᒦᑦᑐᓂ, ᓄᓇᕗᑦ, ᓇᖕᒥᓂᖁᑎᖓᓂᒃ ᐊᐅᓚᑦᑎᔪᖅ ᓄᓇᕗᓕᒫᕐᒧᑦ, ᐊᒻᒪᓗᑦᑕᐅᖅ ᒫᓂᑑᕙᒧᑦ.

ᒥᔅᑕ ᓚᕼᐅᕐᑉ ᑲᒪᒋᔭᕆᐊᖃᓲᓂᖏᑦ ᑐᑭᒧᐊᑦᑎᑦᑎᓗᓂ, ᐊᐅᓚᑦᑎᓗᓂ, ᐊᒻᒪᓗ ᑕᐅᑐᙳᐊᖅᑕᐅᔪᒥᒃ ᖃᐅᒫᑦ ᖃᓄᐃᓕᐅᕐᓂᕆᖃᑦᑕᕋᔭᖅᑕᖓᓂᑦ ᐃᖏᕐᕋᓂᖓᑕ ᑲᒻᐸᓂᐅᔫᑉ ᐊᑐᖅᑎᑦᑎᓗᓂ, ᐱᖃᓯᐅᑎᓪᓗᒋᑦ, ᑖᒃᑯᑑᒐᑎᓪᓘᒐᓗᐊᖅ ᓇᖕᒥᓂᖁᑎᒋᔭᐅᔪᖅ ᐱᕙᓪᓕᐊᑎᑕᐅᓗᓂ, ᐱᓕᕆᐊᕐᒥᒃ ᐊᐅᓚᑦᑎᓗᓂ, ᐃᖅᑲᓇᐃᔭᖅᑐᓕᕆᓂᕐᒥᒃ ᐊᐅᓚᑦᑎᓗᓂ, ᐊᒻᒪᓗ ᑮᓇᐅᔭᑦ ᐊᐅᓚᑕᐅᓪᓗᑎᑦ.