ᐱᖓᓲᒻᒪᑕ ᒪᓕᑦᑕᐅᔭᕆᐊᖃᓪᓚᕆᑦᑐᑦ ᐊᑐᖅᑐᐊᕋᓱᐊᕐᓗᓂ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴᙵᓂᒃ:
1) ᓇᖕᒥᓂᖁᑎᒋᔭᐅᔪᖅ ᐱᓕᕆᕝᕕᐊᓂ ᑲᒪᔭᕆᐊᓕᒃ ᓄᓇᕗᒻᒥ ᐃᒪᐃᑦᑑᓗᓂ:
- ᑲᒻᐸᓂᐅᓗᓂ ᑯᐊᐳᕇᓴᐅᓗᓂᓘᓐᓃᑦ ᐊᑎᓕᐅᖅᓯᒪᔪᖅ ᐅᕝᕙᓘᓐᓃᑦ ᐱᙳᖅᑎᑕᐅᓂᑯ ᒪᓕᑦᑐᒍ ᓇᖕᒥᓂᖁᑎᖃᕐᓂᕐᒧᑦ ᑯᐊᐳᕇᓴᓐᓂᒃ ᐱᖁᔭᖓ;
- ᑯᐊᐸᒃᑯᑦ ᑲᑐᔾᔨᖃᑎᒌᖏᑦ ᐊᑎᓕᐅᖅᓯᒪᔪᖅ ᐅᕝᕙᓘᓐᓃᑦ ᐱᙳᖅᑎᑕᐅᓂᑯ ᒪᓕᑦᑐᒍ ᑯᐊᐸᒃᑯᑦ ᑲᑐᔾᔨᖃᑎᒌᖏᑦ ᐱᖁᔭᖓ;
- ᓇᖕᒥᓂᖁᑎᖃᖃᑎᒌᑦᑑᒃ ᓇᓗᓇᐃᖅᓯᔾᔪᑎᖓᓗ ᐊᑎᓕᐅᖅᑕᐅᓯᒪᓪᓗᓂ ᒪᓕᑦᑐᒍ ᓇᖕᒥᓂᖁᑎᖃᖃᑎᒌᖕᓂᖕᒧᑦ ᐱᖁᔭᖓᓂ; ᐅᕝᕙᓘᓐᓃᑦ
- ᑯᐊᐳᕇᓴᐅᔪᖅ ᑯᐊᐳᕇᓴᕈᖅᑐᒥᓂᖅ ᒪᓕᑦᑐᒍ ᐊᕕᑦᑐᖅᓯᒪᓂᖓ II ᑲᓇᑕᒥ ᑯᐊᐳᕇᓴᓐ ᐱᕈᔭᖓᒍᑦ ᐊᒻᒪᓗ ᖃᐅᔨᒪᔭᐅᓪᓗᓂ ᓄᓇᓕᓐᓂ ᓯᕗᓂᒃᓴᖃᕐᓂᕐᒧᑦ ᑲᑐᔾᔨᖃᑎᒌᖑᓗᓂ; ᐅᕝᕙᓘᓐᓃᑦ
- ᐃᓄᒃ.
2) ᓇᖕᒥᓂᖁᑎᒋᔭᐅᔪᖅ ᐊᑐᖅᑐᐊᕋᓱᒍᓐᓇᖅᑐᖅ ᐃᒪᐃᒃᑯᓂ:
- ᐊᑐᖅᑐᐊᕈᓐᓇᕋᔭᙱᒃᑯᓂ ᑮᓇᐅᔭᓂᒃ ᑮᓇᐅᔭᖃᕐᕕᖕᒥ ᒪᓕᒐᒃᓴᖃᖅᑎᑕᐅᒐᓗᐊᕈᓂ ᐊᒻᒪᓗ ᖃᓄᐃᓕᐅᕆᐊᖃᕈᑎᖃᖅᑎᑕᐅᒐᓗᐊᕈᓂ; ᐅᕝᕙᓘᓐᓃᑦ
- ᑮᓇᐅᔭᒃᑯᕕᑕᖃᙱᒃᑯᓂ ᐅᕝᕙᓘᓐᓃᑦ ᑮᓇᐅᔭᒃᑯᕕᑉ ᐊᓪᓚᕝᕕᐊᓂᑦ ᓄᓇᓕᐅᔪᒥ ᓇᖕᒥᖁᑎᒋᔭᐅᔪᖅ ᐊᐅᓚᑕᐅᕝᕕᖓᓂᒃ.
3) ᓇᖕᒥᓂᖁᑎᒋᔭᐅᔪᖅ ᐅᐸᓗᖓᐃᖅᓯᒪᑎᑕᐅᔭᕆᐊᓕᒃ ᓇᓪᓕᐅᒃᑯᒫᖅᓯᓗᓂ. ᓇᓪᓕᐅᒃᑯᒫᖅᓯᒪᔪᓐᓇᖅᑐᑦ ᐊᑐᖅᑕᐅᓗᑎᑦ ᐅᑯᐊ:
- ᐊᑐᖅᑐᐊᕈᑎ ᐃᒡᓗᒧᑦ ᐱᖁᑎᒋᔭᐅᔪᒧᑦ;
- ᐱᖁᑎᒋᔭᐅᔪᑦ ᐃᓄᖕᒧᑦ ᐊᑐᖅᑕᐅᓗᑎᑦ ᓇᓪᓕᐅᒃᑯᒫᕆᔭᐅᓗᑎᑦ ᐊᑭᓕᒃᓴᓂ ᐊᑭᓕᕈᓐᓇᙱᒃᑯᓂᐅᒃ ᐱᖁᑎᓂ ᓂᐅᕕᐊᖑᒐᔭᖅᑐᑎᑦ ᐊᑭᓕᐅᑎᒋᔭᐅᓗᑎᑦ;
- ᐱᖁᑎᒋᔭᐅᔪᑦ ᐃᓄᖕᒧᑦ ᐅᕝᕙᓘᓐᓃᑦ ᐊᑭᓕᖅᑕᐅᓂᐊᕐᓂᕋᖅᓯᒪᓂᖏᑦ ᐊᑐᖅᑐᐊᕆᐊᙵᖅᑕᐅᔪᑦ ᐊᒥᓲᓂᖏᑦ ᑮᓇᐅᔭᑦ ᓇᖕᒥᓂᖁᑎᒋᔭᐅᔪᒧᑦ ᐅᕝᕙᓘᓐᓃᑦ
- ᓇᓕᐊᑐᐃᓐᓇᑦ ᐊᑐᖅᑕᐅᓗᑎᑦ ᐊᔾᔨᙲᑦᑐᑦ ᖁᓛᓃᑦᑐᑦ.