ᑭᒐᖅᑐᐃᔨᑦ ᐱᔨᑦᓯᕋᖅᑐᑦ ᓄᓇᕗᒻᒥᑦ

ᐊᒥᓱᓂᑦ ᓇᖕᒥᓂᖃᕐᓂᕐᒧᑦ ᐃᑲᔪᖅᓱᐃᕕᖃᐅᖅᐳᖅ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐱᓕᕆᔾᔪᔾᔨᔨᑕᖃᐅᖅᖢᓂ ᓄᓇᕗᒻᒥ. ᑕᒪᕐᒥᒃ ᐊᔾᔨᐅᙱᑦᑐᒥᒃ ᐊᑑᑎᖃᖅᐳᑦ, ᓴᖅᑭᑕᐅᓯᒪᓪᓗᑎᒃ ᑐᓂᓯᓂᕐᒧᑦ ᐊᔾᔨᒌᖏᕈᓘᔭᖅᑐᓂᒃ ᑮᓇᐅᔭᓕᕆᓂᐅᑉ ᐱᓕᕆᐊᖏᓐᓂᑦ, ᐊᔾᔨᒌᖏᑦᑐᓄᑦ ᐊᖏᓂᖏᓐᓂᑦ ᓇᖕᒥᓂᕆᔭᐅᔪᓂᑦ, ᐊᔾᔨᒌᖏᑦᑐᓄᑦ ᑲᑎᙵᔪᓄᑦ ᐃᓄᖕᓂ, ᐊᕕᒃᑐᖅᓯᒪᔪᓂᒃ ᓄᓇᓕᖕᓂᑦ ᓄᓇᕗᒻᒥ.

NBCC-ᑯᑦ ᐱᓕᕆᐊᒃᓴᖃᖅᑎᑕᐅᕗᖅ ᐱᓕᕆᔾᔪᔾᔨᓂᕐᒥᑦ ᐊᕕᒃᑐᒃᓯᒪᔪᓕᒫᓂᒃ ᓄᓇᕗᒻᒥ, ᐊᒻᒪᓗ ᐱᓕᕆᔾᔪᔾᔨᓗᑎᒃ ᑕᒪᒃᑮᑦ ᐃᓄᖕᓂᑦ ᐊᒻᒪᓗ ᖃᓪᓗᓈᓂᒃ ᓇᖕᒥᓂᕆᔭᐅᔪᓂᑦ ᓄᓇᕗᒻᒥ. ᐱᓕᕆᐊᖃᓪᓗᐊᑕᖅᐳᒍᑦ ᑐᓂᓯᓂᕐᒥᑦ ᐊᑐᖅᑐᐊᒐᒃᓴᓂᒃ ᑮᓇᐅᔭᓂᒃ ᐊᖏᓂᓕᖕᓂᑦ ᕿᑎᐊᓃᓪᓗᐊᖅᑐᓂᒃ ᐱᑕᖃᖅᑐᓕᒫᖑᔪᑦ 25-ᖑᔪᓂᑦ ᓄᓇᕗᒻᒥ ᓄᓇᓕᐅᔪᓂᑦ, ᐊᑐᖅᑐᐊᕈᓐᓇᕐᓗᑎᒃ ᑎᑭᓪᓗᒍ $1,000,000-ᒧᑦ.

ᐊᓯᖏᑦ ᐱᓕᕆᔾᔪᔾᔨᓲᑦ ᑐᓂᓯᓲᖑᕗᑦ ᒥᑭᓐᓂᖅᓴᓄᑦ ᐅᕝᕙᓘᓐᓃᑦ ᐊᖏᓂᖅᓴᓄᑦ ᐊᑐᖅᑐᐊᒐᒃᓴᓂᑦ ᑮᓇᐅᔭᓂᑦ, ᐊᔾᔨᒌᒃᑎᑦᑎᖃᑦᑕᕐᓂᖅ ᓇᖕᒥᓂᖃᖅᑏᑦ ᑮᓇᐅᔭᖃᕐᓂᕆᔭᖏᓐᓂᑦ ᐱᕈᖅᑎᑦᑎᓇᓱᖕᓂᕐᒧᑦ, ᑮᓇᐅᔭᐃᑦ ᐊᐃᑦᑑᓯᐊᓂᒃ, ᐊᒻᒪᓗ ᓇᖕᒥᓂᖃᕐᓂᕐᒧᑦ ᖃᓄᐃᖁᔭᒥᓂᒃ ᐅᖃᐅᔾᔨᒋᐊᕐᓂᕐᒥᑦ, ᐊᕕᒃᑐᖅᓯᒪᓂᐅᑉ ᐃᓗᐊᓂ, ᐅᕝᕙᓘᓐᓃᑦ ᐃᓄᖕᓄᑐᐊᖅ-ᑐᕌᖓᔪᓄᑦ. ᓇᓗᓇᕈᓐᓇᖅᐳᖅ ᓇᓕᐊᖕᓂᑦ ᐱᓕᕆᔾᔪᔾᔨᔨᐅᔪᒥᑦ ᐊᑲᐅᓛᖑᓇᔭᕐᒪᖔᑦ ᐊᑐᕆᐊᒃᓴᖅ.

ᐱᓕᕆᔾᔪᔾᔨᓲᖑᔪᓂᑦ ᓄᓇᕗᒻᒥ ᒐᕙᒪᒃᑯᓐᓂ ᐱᓕᕆᐊᒃᓴᖃᖅᑎᑕᐅᕗᖅ ᐱᓕᕆᔾᔪᔾᔨᓂᕐᒥᑦ ᓇᖕᒥᓂᖃᖅᑐᓕᒫᓂᒃ ᐊᕕᒃᑐᖅᓯᒪᔪᓕᒫᓂᑦ, NBCC-ᑯᑦ ᐱᓕᕆᔪᓐᓇᖅᐳᑦ ᕿᑎᐊᓃᓪᓗᑎᒃ ᐊᒥᓱᓄᑦ ᐊᓯᖏᓐᓂᑦ ᓇᖕᒥᓂᖃᕐᓂᕐᒧᑦ ᐃᑲᔪᖅᓯᔨᐅᔪᓂᑦ ᑲᑐᔾᔨᖃᑎᒌᖑᔪᓂᑦ ᓄᓇᕗᒻᒥ. ᐃᑲᔪᕈᒪᕗᒍᑦ ᓇᖕᒥᓂᕆᔭᕐᓂᑦ, ᐊᒻᒪᓗ ᑕᒪᓐᓇ ᐃᓚᖃᖅᐳᖅ ᐃᓕᓴᖅᓯᓂᕐᒥᑦ ᐊᓯᖏᓐᓂᑦ ᑮᓇᐅᔭᓕᕆᔨᐅᔪᓂᑦ ᐃᑲᔪᖅᓱᐃᓂᕐᒧᑦ ᑲᑐᔾᔨᖃᑎᒌᖑᔪᓂᑦ ᓄᓇᕗᒻᒥ ᐃᓕᖕᓂᑦ ᐃᑲᔪᕈᓐᓇᖅᑐᓂᑦ ᐱᓕᕆᐊᖃᑦᑎᐊᕐᓂᕐᒥᑦ. ᐱᓕᕆᔾᔪᔾᔨᕙᒃᑐᓂᑦ ᖃᐅᔨᒪᔪᖁᑎᑦᑎᓐᓂᑦ ᐃᑲᔪᕈᒪᑦᑎᐊᖅᐳᑦ ᐃᓕᓴᖅᓯᓂᕐᒥᑦ ᓇᓕᐊᒃ ᑲᑐᔾᔨᖃᑎᒌᖑᔪᓂᒃ ᐊᑲᐅᓂᖅᐹᒥᒃ ᐱᓕᕆᔾᔪᔾᔨᔪᓐᓇᕋᔭᖅᑐᒥᑦ ᓇᖕᒥᓂᕆᔭᕐᓄᑦ ᐱᔭᕆᐊᖃᖅᑕᖏᓐᓂᑦ.

ᑕᒪᒃᑭᐅᒪᑦᑎᐊᖅᑐᒥᑦ ᑕᐃᓯᓂᖅ ᑮᓇᐅᔭᖃᒃᑎᑦᑎᒍᓐᓇᖅᑐᑦ ᑭᒐᖅᑐᐃᔩᑦ ᐃᓚᖃᖅᐳᖅ ᐱᓕᕆᔾᔪᔾᔨᓲᓂᒃ ᑐᓂᓯᓲᓂᒃ ᐊᑐᖅᑐᐊᒐᒃᓴᓂᒃ ᑮᓇᐅᔭᓂᑦ, ᐊᔾᔨᒌᒃᑎᑦᑎᖃᑦᑕᕐᓂᖅ ᓇᖕᒥᓂᖃᖅᑏᑦ ᑮᓇᐅᔭᖃᕐᓂᕆᔭᖏᓐᓂᑦ ᐊᒻᒪᓗ ᐊᐃᑦᑑᓯᐊᓂᒃ ᓄᓇᕘᑉ ᐃᓗᐊᓃᑦᑐᓂᑦ. ᐱᓕᕆᐊᖁᑎᒋᔭᐅᔪᓂᒃ ᐱᕙᓪᓕᐊᑎᑦᓯᔨᑦ ᐃᖃᓇᐃᔭᕐᕖᑦ ᑕᐃᓯᓲᖑᕗᑦ ᑲᑐᔾᔨᖃᑎᒌᓕᒫᓂᑦ ᐱᓕᕆᐊᖃᓲᓂᒃ ᑐᓂᓯᓂᕐᒥᑦ ᖃᓄᐃᖁᔭᒥᓂᒃ ᐅᖃᐅᔾᔨᒋᐊᕐᓂᕐᒥᑦ ᓄᓇᕗᒻᒥ ᓇᖕᒥᓂᖃᖅᑎᐅᔪᓄᑦ. ᐃᓚᖏᑦ ᑲᑐᔾᔨᖃᑎᒌᖑᔪᑦ ᑕᒪᒃᑮᓂᒃ ᐱᓕᕆᓂᖃᓲᖑᕗᑦ, ᐊᒻᒪᓗ ᑎᑎᕋᖅᓯᒪᕗᑦ ᑕᒪᒃᑮᓂᒃ ᐱᓕᕆᓂᖃᕐᓂᖏᓐᓂᑦ.