ᑐᒃᓯᕋᕆᑦ ᐊᑐᖅᑐᐊᖅᑎᑕᐅᔪᒪᓗᑎᑦ

ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕖᐅᑉ ᑐᒃᓯᕋᐅᑎᖓ ᐱᓕᕆᓂᕐᒧᑦ ᐱᔾᔪᓯᐅᕗᖅ. ᑲᑎᖅᓱᐃᔭᕆᐊᖃᕐᓂᐊᖅᐳᑎᑦ ᐊᒻᒪᓗ ᑐᓂᓯᓗᑎᑦ ᐅᖃᐅᓯᒃᓴᓂᒃ ᐊᑐᖅᑐᐊᖅᑎᐅᔫᑦ ᑕᑯᔪᒪᓲᖏᓐᓂᑦ ᐃᓱᒪᒃᓴᖅᓯᐅᓚᐅᙱᓐᓂᖏᓐᓂᑦ ᐊᑐᖅᑐᐊᖅᑎᑕᐅᓂᐊᕐᒪᖔᖅᐱᑦ ᑮᓇᐅᔭᓂᑦ. ᐃᓗᓕᖃᓪᓗᐊᖅᐳᑦ ᑕᒪᒃᑭᓂᑦ ᐅᑯᓂᖓ ᓇᖕᒥᓂᖅᑖᕆᓇᓱᐊᖅᑕᕐᓂᑦ ᐸᕐᓇᐅᑎᖓᓂ, ᐹᐃᑉᐹᖃᕐᓂᕐᒧᑦ ᓇᖕᒥᓂᖃᕐᓂᕐᒧᑦ, ᓇᖕᒥᓂᖃᕐᓂᕐᒧᑦ ᓚᐃᓴᓐᓯᒥᑦ, ᐊᒻᒪᓗ ᐱᓕᕆᔨᐅᔪᓄᑦ ᐅᓗᕆᐊᓇᖅᑐᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᓐᓂᖅᑐᖅᓯᐅᑎᓕᕆᔨᒃᑯᑦ (ᐊᓐᓂᖅᑐᖅᓯᐅᑎᓕᕆᔨᒃᑯᑦ) ᒪᓕᑦᑎᐊᕆᐊᖃᕐᓂᖅ, ᓇᓗᓇᐃᖅᓯᒪᔪᓂᒃ ᖃᓄᖅ ᐊᑐᕋᔭᕐᒪᖔᖅᐱᐅᒃ ᑮᓇᐅᔭᖅᑖᕆᓇᔭᖅᑕᕕᑦ.

ᑕᑯᑎᑦᑎᔭᕆᐊᖃᕆᕗᑎᑦ ᓇᓗᓇᐃᖅᓯᑦᑎᐊᕐᓗᑎᑦ ᑲᓇᑕᒥᐅᑕᐅᓂᕐᓂᑦ.

ᖃᐅᔨᒋᐊᒃᑲᓐᓂᕆᐊᕐᓗᑎᑦ ᖃᓄᐃᑦᑐᓂᒃ ᐱᓯᒪᔭᕆᐊᖃᕐᒪᖔᖅᐱᑦ ᑐᒃᓯᕋᐅᑎᕕᑦ ᐃᓗᐊᓂ ᑮᓇᐅᔭᖅᑖᕋᓱᐊᖅᑎᓪᓗᑎᑦ, ᐅᑯᐊ ᐊᑐᕆᐊᓖᑦ ᒪᓕᒡᓗᒋᑦ ᐱᔭᕆᐊᑭᓐᓂᖅᓴᐅᓂᐊᕐᒪᑦ ᐱᓇᓱᐊᕐᓂᕐᒧᑦ:

  • ᓇᓗᓇᐃᖅᓯᑦᑎᐊᕐᓗᑎᑦ ᐊᑐᖅᑕᐅᔭᕆᐊᓖᑦ ᐱᑕᖃᕆᐊᖃᑎᑕᐅᔪᑎᖏᑦ ᐱᔭᐃᓐᓇᕆᒐᓚᐅᒃᒪᖔᖅᐳᑦ ᓇᕿᓪᓗᒍ ᐊᑐᖅᑕᐅᔭᕆᐊᓖᑦ ᐱᑕᖃᕆᐊᖃᑎᑕᐅᔪᑎᖏᑦ;
  • ᕿᒥᕐᕈᐊᑦᑎᐊᕐᓗᒋᑦ ᐊᑐᖅᑕᐅᕙᓪᓕᐊᔭᕆᐊᓖᑦ ᐱᒋᐊᕐᓗᒍ A-ᒥᑦ Z-ᒧᑦ ᑕᕝᕙᓂ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖕᒥᑦ ᐊᒻᒪᓗ ᐃᓱᒪᒃᓴᖅᓯᐅᕐᓗᑎᑦ ᑭᑎᖅᓱᐃᑦᑎᐊᕈᓐᓇᕐᒪᖔᖅᐱᑦ ᐱᔭᕆᐊᓕᖕᓂᑦ ᑎᑎᖃᓂᒃ ᐊᑐᕆᐊᓕᖕᓂᑦ;
  • ᐅᖃᖃᑎᖃᕆᑦ ᐱᓕᕆᔾᔪᔾᔨᕙᒃᑐᓂᑦ ᖃᐅᔨᒪᔪᖁᑎᑦᑎᓐᓂᑦ ᐊᒻᒪᓗ ᐅᖃᖃᑎᖃᕐᓗᑎᑦ ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᓂᖏᓐᓂᑦᐊᒻᒪᓗ ᑮᓇᐅᔭᖅᑖᕆᔭᕆᐊᖃᖅᑕᕕᑦ ᐱᔭᕆᐊᖃᖅᑕᕐᓂᑦ ᑐᑭᓯᓇᓱᐊᕐᓗᑎᑦ ᐊᑐᖅᑐᐊᕐᕕᒃᑯᑦ ᐃᑲᔪᕈᓐᓇᕐᒪᖔᑕ.


ᐃᕝᕕᓪᓗ ᐊᑐᖅᑐᐊᕐᕕᒃᑯᓪᓗ ᐱᓕᕆᔾᔪᔾᔨᕙᒃᑐᓂᑦ ᖃᐅᔨᒪᔪᖁᑎᓂᑦ ᓈᒻᒪᒃᓴᑦᑎᐊᓕᕈᔅᓯ ᓇᖕᒥᓂᕆᔭᐃᑦ ᐱᔪᓐᓇᓐᓇᕐᐊᕐᓂᐊᖅᑰᔨᖕᒪᖔᑦ ᑮᓇᐅᔭᓂᒃ ᐊᑐᖅᑐᐊᕐᓂᕐᒥᑦ ᐊᑐᖅᑐᐊᕐᕕᒃᑯᓐᓂ, ᑕᑕᑎᕐᓗᒍ ᐊᑐᖅᑐᐊᕐᕕᒃᑯᑦ ᐊᑐᖅᑐᐊᕐᓂᕐᒧᑦ ᑐᒃᓯᕋᐅᑎᑦ ᐸᐃᑉᐹᑦ ᐊᒻᒪᓗ ᑐᓂᓗᒍ ᐱᔭᕇᖅᓯᒪᔪᑦ ᑐᒃᓯᕋᐅᑎᑦ ᐃᓚᖃᕐᓗᒍ ᐃᑲᔪᕈᑕᐅᓂᐊᖅᑐᓂᒃ ᐃᓚᒋᔭᕆᐊᓕᖕᓂᑦ ᐸᐃᑉᐹᓂᒃ. ᓇᕿᓪᓗᒍ ᐊᑐᖅᑐᐊᕐᓂᕐᒧᑦ ᑮᓇᐅᔭᓂᑦ ᑐᒃᓯᕋᐅᑏᑦ ᐸᐃᑉᐹᑦ.