ᐱᓕᕆᐊᖑᔪᑦ ᐱᒋᐊᓗᑎᒃ ᐃ-ᕗ

ᓯᕗᓪᓕᕐᒥ, ᐅᖃᓕᒫᕐᓗᒋᑦ ᐅᑯᐊ ᑎᑎᕋᖅᓯᒪᔪᐃᑦ ᐊᑖᓂ ᐸᐃᑉᐹᑦ ᐃᓚᐅᔭᕆᐊᖃᖅᑐᓂᑦ. ᑐᑭᓯᐅᒪᑦᑎᐊᙱᒃᑯᕕᑦ ᖃᓄᐃᑦᑑᖕᒪᖔᑕ ᐸᐃᑉᐹᑦ ᐱᔭᐅᔭᕆᐊᓖᑦ, ᐅᖃᖃᑎᖃᕆᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐱᓕᕆᔾᔪᔾᔨᕙᒃᑐᓂᑦ ᖃᐅᔨᒪᔪᖁᑎᑦᑎᓐᓂᑦ ᐅᖃᐅᑦᔪᐃᕙᓪᓕᐊᓂᐊᖅᐳᖅ ᑭᓱ ᐱᔭᕆᐊᖃᕐᒪᖔᑕ, ᐊᒻᒪᓗ ᐃᑲᔪᕐᓗᑎᒃ ᓇᓗᓇᐃᖅᓯᓂᕐᒥᑦ ᑭᓱᓂᒃ ᐱᔭᕆᐊᖃᕐᒪᖔᖅᐱᑦ ᐱᓯᒫᓂᖏᒃᑯᕕᐅᒃ.

ᖃᐅᔨᒪᓂᐊᖅᐳᑎᑦ: ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐱᔭᕆᐊᖃᖅᐳᑦ ᐊᒥᓱᑲᓪᓚᓂᒃ ᐅᓂᒃᑳᕐᓂᕐᓂᑦ ᓇᓗᓇᐃᔭᐃᑦᑎᐊᕈᓐᓇᖁᓪᓗᒋᑦ ᐊᑐᖅᑐᐊᖅᑕᐅᔪᑦ ᐊᒻᒪᓗ ᐊᓯᖏᑦ ᑮᓇᐅᔭᖅᑖᕈᑕᐅᔪᑦ ᐱᓕᕆᐊᖑᑦᑎᐊᕋᓗᐊᕐᒪᖔᑕ ᒪᓕᒐᑎᒍᑦ. ᐊᑐᖅᑐᐊᕐᕕᒃᑯᑦ ᐱᓕᕆᐊᕌᓂᖃᕈᓐᓇᙱᓚᑦ ᑐᒃᓯᕋᐅᑎᖕᓂᑦ ᐱᓯᒪᙱᑐᐊᖅᐸᑕ ᑕᒪᒃᑭᓂᒃ ᐱᔭᕆᐊᖃᖅᑕᖏᓐᓂᑦ. ᓴᖅᑭᑎᑦᑎᓂᖅ ᐱᔭᕆᐊᖑᔪᓕᒫᓂᒃ ᑐᒃᓯᕋᐅᑎᒧᑦ ᐊᑕᔭᕆᐊᓕᖕᓂᑦ ᑐᑭᖃᙱᓚᖅ ᐊᖏᖅᑕᐅᓂᐊᕐᓂᖓᓂ ᐊᑐᖅᑐᐊᕐᕕᒃᑯᓐᓂᑦ. ᐱᔪᓐᓇᖅᑎᑕᐅᓂᐊᕈᕕᑦ ᐊᑭᓕᒃᓴᓂᒍᓇᖅᑎᑕᐅᓗᑎᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᓂᑦ, ᓴᕿᑦᑎᔭᕆᐊᖃᕋᔭᖅᑐᑎᑦ ᖃᐅᔨᒪᔪᑕᐅᔪᓐᓇᖅᑐᓂᒃ ᑕᓐᓇ ᐱᓕᕆᐊᖁᑏᑦ ᐱᑎᑕᐅᔪᓐᓇᓚᐅᖏᓂᖓᓂᑦ ᐊᑐᖅᑐᐊᕋᒪᔭᕐᓂᑦ ᑕᐃᒃᑯᓇᖓᑦ ᑮᓇᐅᔭᖃᒃᑎᑦᓯᔪᓐᓇᓗᑎᒃ ᐱᓕᕆᕕᖁᑎᓕᖕᓂᑦ ᐱᔪᑎᖃᒃᑎᐊᕐᓗᑎᒃ ᐅᖃᐅᑎᖃᒃᓯᒪᔪᓂᒃ ᐊᑐᕐᓂᐊᓂᕋᒃᓯᒪᔭᕐᓂᒡᓗ; ᐅᒡᕙᓗᓂᑦ ᐱᑕᖃᖏᓂᖓᓄᑦ ᑮᓇᐅᔭᖃᒃᑎᑦᑎᔪᓐᓇᖅᑐᓂᒃ ᐱᓕᕆᕕᖕᒥᑦ ᐅᕝᕙᓗᓂᑦ ᑮᓇᐅᔭᖃᒃᑎᑦᑎᔪᓐᓇᖃᑕᐅᔪᒥᑦ ᐱᓕᕆᕕᖕᒥᑦ ᓄᓇᓕᖕᓂ ᐱᓕᕆᐊᖁᑎᖃᕐᕕᒋᔭᕐᓂ.

ᒪᓕᒡᓗᒋᑦ ᐊᑐᕆᐊᓖᑦ A-ᒥᑦ Z-ᒧᑦ. ᑕᑕᑎᕆᐊᓕᖕᓂᑦ ᐊᒻᒪᓗ ᐃᔾᔪᐊᒐᒃᓴᓂᑦ ᐸᐃᑉᐹᓂᕆᖑᐊᖅᓯᒪᔪᓂᑦ, ᐱᔪᓐᓇᖅᐸᑎᑦ ᖃᕋᓴᐅᔭᒃᑯᑦ ᐅᕙᓂ ᐊᑐᖅᑐᐊᕐᓂᕐᒧᑦ ᑮᓇᐅᔭᓂᑦ ᑐᒃᓯᕋᐅᑏᑦ ᐸᐃᑉᐹᑦ.

ᐱᓗᑎ ᓇᖕᒥᓂᖃᕐᓂᕐᒧᑦ ᓚᐃᓴᓐᓯᓄᓇᓕᖅᐸᐅᔭᒥᑦ ᐅᕝᕙᓘᓐᓃᑦ ᓄᓇᓕᖕᒥᑦ ᓇᖕᒥᓂᕆᔭᖅᐳᑦ ᐊᐅᓚᕝᕕᒋᔭᖓᓐᓂᑦ. ᓄᓇᓕᖅᐸᐅᔭᖅ ᐃᖃᓗᖕᓂᑦ ᐱᔭᕆᐊᖃᖅᐳᖅ ᑐᒃᓯᕋᐅᑎᒥᑦ ᓇᖕᒥᓂᖃᕐᓂᕐᒧᑦ ᓚᐃᓴᓐᓯᑖᕈᑎᒃᓴᒥᑦ, ᐱᖃᕆᓪᓗᓂ ᐱᔭᕆᐊᖃᖅᑕᖏᓐᓂᑦ. ᖃᐅᔨᒋᐊᒃᑲᓐᓂᕈᒪᒍᕕᑦ ᐃᖃᓗᐃᑦ ᓇᖕᒥᓂᓕᖕᓄᑦ ᓚᐃᓴᓐᓯᓂᒃ, ᐅᕗᖓ ᖃᐅᔨᒋᐊᕆᑦ: http://www.city.iqaluit.nu.ca/i18n/english/economicdev.html ᖃᐅᔨᒋᐊᒃᑲᓐᓂᕈᒪᒍᕕᑦ ᓄᓇᓕᖕᓂᑦ, ᐅᖃᖃᑎᖃᕆᑦ ᓄᓇᓕᖕᓂᑦ ᐱᕙᓪᓕᐊᔪᓕᕆᔩᑦ ᑲᒪᔨᖏᓐᓄᑦ.

ᐱᓗᑎᑦ ᐃᖅᑲᓇᐃᔭᖅᑎᐅᔪᓄᑦ ᐱᓂᕐᓗᒃᑕᐅᔪᓂᒃ ᖃᓄᐃᑦᑐᓐᓃᒃᔫᒥᑎᑦᑎᓂᕐᒧᑦ ᑎᓕᐅᕈᑕᐅᓯᒪᔪᓄᑦ ᓇᓗᓇᐃᕈᑎᒥᑦ ᓇᓗᓇᐃᕈᑎᒥᒃ ᑕᑯᓗᒍ ᐃᖅᑲᓇᐃᔭᕐᕕᒋᔭᖅ ᑕᑕᑎᕆᐊᓕᖕᓂᑦ ᐅᕙᓂ http://www.wcb.nt.ca/your_wcb/publications/forms.html ᖃᐅᔨᒋᐊᒃᑲᓐᓂᕋᓱᐊᕐᓗᑎᑦ ᑐᓴᒐᒃᓴᓂᒃ ᐱᓂᕐᒥᑦ ᓇᓚᐅᑦᑐᓂᒃ ᑕᑕᑎᕆᐊᓕᖕᓂᑦ ᓇᖕᒥᓂᕆᔭᕐᓄᑦ.


ᑲᑎᖅᓱᕐᓗᒋᑦ ᑎᒥᕈᖅᓯᒪᓂᕐᒧᑦ ᐸᐃᑉᐹᓂᒃ:

  1. ᐃ) ᓇᓗᓇᐃᕈᑎᒥᒃ ᑎᒥᕈᖅᓯᒪᓂᕐᒧᑦ (ᓄᓇᕗᒻᒧ) (ᑕᑕᑎᕈᑎᙳᐊᑦ) ᐅᕝᕙᓘᓐᓃᑦ ᓇᓗᓇᐃᕈᑎᒥᒃ ᑎᒥᕈᖅᓯᒪᓂᕐᒧᑦ (ᒐᕙᒪᑐᖃᒃᑯᓐᓂ) (ᑕᑕᑎᕈᑎᙳᐊᑦ)
  2. ᐱ) ᓇᓗᓇᐃᕈᑎᒥᒃ ᐊᖏᖃᑎᒌᖕᓂᖅ (ᓄᓇᕗᒻᒧ) (ᑕᑕᑎᕈᑎᙳᐊᑦ) ᐅᕝᕙᓘᓐᓃᑦ ᓇᓗᓇᐃᕈᑎᒥᒃ ᐊᖏᖃᑎᒌᖕᓂᖅ (ᒐᕙᒪᑐᖃᒃᑯᓐᓂ) (ᑕᑕᑎᕈᑎᙳᐊᑦ) ᐅᕝᕙᓘᓐᓃᑦ ᓇᓗᓇᐃᕈᑎᒥᒃ ᐊᖏᖃᑎᒌᖕᓂᖅ (ᖄᒃᑲᓐᓂᐊᒍᑦ ᓄᓇᕗᒻᒥ ᑎᒥᕈᖅᓯᒪᓂᕐᒧᑦ) (ᑕᑕᑎᕈᑎᙳᐊᑦ)
  3. ᑎ) ᓇᖕᒥᓂᕐᑖᕈᒪᓂᕐᒧᑦ ᑐᒃᓯᕋᐅᑎᑦ (ᓄᓇᕗᒻᒧ) (ᑕᑕᑎᕈᑎᙳᐊᑦ) ᐅᕝᕙᓘᓐᓃᑦ
    ᓇᖕᒥᓂᕐᑖᕈᒪᓂᕐᒧᑦ ᑐᒃᓯᕋᐅᑎᑦ (ᒐᕙᒪᑐᖃᒃᑯᓐᓂ) (ᑕᑕᑎᕈᑎᙳᐊᑦ)
  4. ᑭ) ᓇᓗᓇᐃᕈᑎᒥᒃ ᐊᖏᖃᑎᒌᖕᓂᖅ (ᐱᔭᕆᐊᖃᖅᐸᑦ) (ᑕᑕᑎᕈᑎᙳᐊᑦ
  5. ᒋ) ᓇᖕᒥᓂᖃᖅᑎᐅᖃᑕᐅᔪᑦ ᑎᑎᖅᑲᖁᑎᖏᑦ (ᐱᔭᕆᐊᖃᖅᐸᑦ) (ᑕᑕᑎᕈᑎᙳᐊᑦ)

ᐋᖅᑭᒃᓱᐃᓗᑎᑦ ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᓂᖏᓐᓂᑦ. ᐊᑐᖅᑐᐊᕋᓱᐊᖅᑕᐃᑦ ᑐᕌᖓᒃᐸᑦ ᓇᓗᓇᐃᖅᓯᒪᔪᒥᑦ ᐱᓕᕆᐊᒃᓴᐅᓂᐊᖅᑐᒥᑦ ᖄᒃᑲᓐᓂᐊᒍᑦ ᓴᖅᑭᓯᒫᓂᒃᑐᒥᑦ ᓇᖕᒥᓂᕆᔭᕐᓂᑦ. ᖃᐅᔨᒋᐊᒃᑲᓐᓂᕈᒪᒍᕕᑦ ᓴᖅᑭᑎᑦᑎᓂᕐᒥᑦ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᓐᓂᑦ, ᐅᕗᙵᕐᓗᑎᑦ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ ᑐᓴᒐᒃᓴᓂ ᐅᕙᓂ http://www.edt.gov.nu.ca/apps/authoring/dspPage.aspx?page=get_started ᐅᕝᕙᓘᓐᓃᑦ http://en.wikipedia.org/wiki/Content_of_a_business_plan ᐅᑯᐊ ᐱᓕᕆᐊᒃᓴᓕᐊᖑᓯᒪᔪᓄᑦ ᑕᒃᑯᓇᓂ ᑎᑎᕋᒃᓯᒪᔪᓂ ᐱᒋᐊᕐᓗᒍ ᒋ-ᒥᑦ ᑎᑭᓪᓗᒍ ᕿ-ᒧᑦ ᑕᑯᒃᑯᓇᓂ ᐊᕿᒃᓯᔪᑕᐅᒐᔭᖅᑐᑦ ᐃᓚᖓᓄᑦ ᐱᓕᕆᐊᒃᓴᓕᐊᕆᓯᒪᔭᕕᒃ ᐸᕐᓇᒍᑎᒋᓗᒋᑦ.

ᐅᖃᖃᑎᖃᕐᕕᒃᓴᐃᑦ ᖃᐅᔨᒋᐊᕐᕕᒃᓴᑦ ᐱᓕᕆᔨᒻᒪᕆᐅᔪᑦ ᐃᓚᖃᖅᖢᑎᒃ: [ᓇᕿᓪᓗᒍ ᑕᑕᑎᕈᑎᙳᐊᑦ] ᐊᑎᖓ, ᖃᕋᓴᐅᔭᒃᑯᑦ ᑎᑎᕋᕐᕕᒃᓴᖅ, ᐅᖄᓚᐅᑎᖓ, ᓱᒃᑲᔪᒃᑯᑦ ᐅᖄᓚᐅᑎᖓ, ᐊᒻᒪᓗ ᑕᒪᕐᒥᒃ ᑐᕌᕈᑖ ᓄᓇᕗᒻᒥ ᐅᑯᓄᖓ ᐱᓕᕆᔨᐅᔪᓄᑦ:

ᐃ) ᐱᓕᕆᔨᒻᒪᕆᒃ ᐅᖃᖃᑎᒋᕕᒃᓴᖅ ᓇᖕᒥᓂᕆᔭᕐᓄᑦ
ᐱ) ᐊᑐᖅᑐᐊᖅᑕᐅᔫᑉ ᐊᑭᓖᓂᐊᕐᓂᕋᕈᑎᑎᑦ,
ᑎ) ᖃᐅᑕᒫᑦ ᑮᓇᐅᔭᓕᕆᕙᒃᑐᖅ ᐅᕝᕙᓘᓐᓃᑦ ᑮᓇᐅᔭᓕᕆᔨᒻᒪᕇᑦ,
ᑭ) ᓴᐳᓐᓂᐊᖅᑎᑎᑦ, ᐊᒻᒪᓗ
ᒋ) ᓇᓪᓕᐅᒃᑯᒫᓄᑦ ᑭᒡᒐᖅᑐᐃᔩᑦ.

ᑲᑎᖅᓱᕐᓗᒋᑦ ᐃᖅᑲᓇᐃᔮᖃᕐᕕᒋᕙᒃᑕᖏᓐᓂ ᐅᓂᒃᑳᖅᓯᒪᔪᓂᒃ ᐊᐅᓚᑦᑎᔨᒻᒪᕆᐅᔪᓂᑦ ᐊᒻᒪᓗ ᓇᖕᒥᓂᖃᖅᑎᐅᓗᑎᒃ ᐃᓚᓕᐅᑎᓯᒪᓪᓗᐊᖅᑐᖅ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ ᐃᓚᒋᓗᓂᐅᒃ. ᐃᖅᑲᓇᐃᔭᖅᑎᑖᕐᓂᐊᕈᕕᑦ ᐅᕝᕙᓘᓐᓃᑦ ᐃᓚᓕᐅᑦᔨᓂᐊᕈᕕᑦ ᐃᓄᒃᑲᓐᓂᕐᓂᑦ ᐱᒻᒪᕆᐅᓂᐊᖅᑐᓂᑦ ᐱᓕᕆᑦᑎᐊᕈᓐᓇᕐᓂᐊᕐᓂᖓᓂ ᐱᓕᕆᐊᕆᓇᓱᒃᑕᕐᓂᑦ, ᐃᖅᑲᓇᐃᔮᕆᕙᓚᐅᖅᑕᖏᑦ ᓇᓗᓇᐃᖅᓯᒪᓂᖏᑦ ᐃᓚᓕᐅᑎᓯᒪᓪᓗᐊᖅᑐᑦ.

ᑐᓂᓯᓗᑎᑦ ᓇᓗᓇᐃᒃᑯᑕᒥᑦ ᑲᓇᑕᒥ ᓄᓇᖃᕐᓂᖓᓂ ᐊᒻᒪᓗ ᐃᒡᓗᖃᕐᓂᕐᒧᑦ ᓇᖕᒥᓂᖃᖅᑎᐅᓗᑎᒃ, ᐃᓚᒋᔭᐅᓗᓂ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ, ᑐᓂᓯᓗᑎᑦ ᐊᔾᔨᖏᓐᓂᑦ ᐅᑯᓂᖓ:

ᐃ) ᐃᓯᕈᓐᓇᐅᑦ ᓄᓇᓕᕐᔪᐊᒧᑦ ᐅᕝᕙᓘᓐᓃᑦ ᐃᓅᕕᖓᓐᓂ ᓇᓗᓇᐃᕈᑕᒥᑦ
ᐱ) ᐃᖅᑲᓇᐃᔭᕈᓐᓇᐅᑎᒧᑦ ᓈᓴᐅᑖ (SIN) ᐊᐅᒃᑕᔫᖅ
ᑎ) ᐊᖁᑦᑐᓐᓇᐅᑎᒧᑦ ᓚᐃᓴᓐᔅ

ᑐᓂᓯᓗᑎᑦ ᓇᓗᓇᐃᒃᑯᑕᒥᑦ ᐃᑲᔫᑎᓂᒃ ᐱᔪᓐᓇᕐᓂᖅᑖᖅᑎᑕᐅᓯᒪᒍᕕᑦ ᓄᓇᕗᒻᒥ ᓄᓇᑖᕋᓱᐊᕐᓂᕐᒧᑦ ᐊᖏᖃᑎᒌᒍᑎᒥᑦ ᐅᕙᓂ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ ᑐᓂᓯᓗᑎᑦ ᐊᔾᔨᖓᓂᑦ NLCA-ᑯᑦ ᐃᑲᔫᑎᓂᒃ ᐱᔪᓐᓇᕐᓂᖅᑖᖅᑎᑕᐅᓯᒪᒍᕕᑦ ᐊᐅᒃᑕᔫᕐᒥ.

ᓴᖅᑭᑎᑦᑎᓗᑎᑦ ᐊᒥᐊᒃᑯᑦ ᐲᔭᐃᕝᕕᐅᓚᐅᖅᑎᓪᓗᒋᑦ ᓇᓗᓇᐃᔭᐅᑎᖏᓐᓂ ᓇᖕᒥᓂᖃᖅᑎᐅᔪᓂᑦ. ᐃᓚᓕᐅᑎᓗᒍ ᐊᒥᐊᒃᑯᑦ ᐲᔭᐃᕝᕕᐅᓚᐅᖅᑎᓪᓗᒋᑦ ᓇᓗᓇᐃᔭᐅᑎᖏᓐᓂ ᐱᓕᕆᔨᐅᓂᐊᖅᑐᓕᒫᓂᒃ ᐱᓕᕆᐊᕆᓂᐊᖅᑕᕐᓂᑦ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ.

ᓴᖅᑭᑎᑦᑎᓗᑎᑦ ᒫᓐᓇᐅᔪᖅ ᑮᓇᐅᔭᑦ ᐅᓂᒃᑲᐅᓯᕆᔭᐅᓂᖏᑦ ᓇᖕᒥᓂᕆᔭᕐᓂᑦ. ᐱᓇᐃᖅᓯᒪᔪᓂᑦ ᓇᖕᒥᓂᕆᔭᐅᔪᓂᑦ, ᑐᓂᓯᓗᑎᑦ ᐊᕐᕌᒍᓄᑦ ᐱᖓᓱᓄᑦ ᐊᕐᕌᒍᑕᒫᑦ ᑮᓇᐅᔭᑦ ᐅᓂᒃᑲᐅᓯᕆᔭᐅᓂᖏᑦ. ᓄᑖᓄᑦ ᓇᖕᒥᓂᕆᔭᐅᔪᓂᑦ ᑮᓇᐅᔭᑦ ᐅᓂᒃᑲᐅᓯᕆᔭᐅᓂᖏᑦᓂᒃ ᐱᑕᖃᖏᑦᑐᓂ ᓱᓕ, ᑐᓂᓯᓗᑎᑦ ᐊᕐᕌᒍᓄᑦ ᐱᖓᓱᓄᑦ ᓇᖕᒥᓂᖅ ᑮᓇᐅᔭᓕᐊᖑᕙᒃᑐᑦ ᑖᒃᓯᒋᕙᒃᑕᕐᓂᑦ ᐅᑎᕐᕕᕕᓂᐅᔪᓂᑦ. ᑖᒃᑯᐊ ᑮᓇᐅᔭᑦ ᐅᓂᒃᑲᐅᓯᕆᔭᐅᓂᖏᑦ ᐃᓚᓕᐅᑎᓯᒪᓪᓗᐊᖅᑐᑦ ᐃᓚᒋᔭᐅᓗᓂ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ.

ᑎᑎᕋᕐᓗᑎᑦ ᓇᓗᓇᐃᖅᓯᒪᔪᒥᑦ ᐊᑐᖅᑐᐊᕈᒪᓂᖅᐱᑦ ᑮᓇᐅᔭᓂᒃ ᐱᔭᕆᐊᖃᖅᑕᕐᓂᑦ :

  1. ᖃᔅᓯᓂᒃ ᑮᓇᐅᔭᓂᒃ ᐊᑐᖅᑐᐊᕈᒪᕐᒪᖔᖅᐱᑦ
  2. ᖃᖓ ᐱᔭᕆᐊᖃᕐᓂᐊᕐᒪ\ᖓᖅᐱᐅᒃ ᐊᑐᖅᑐᐊᒐᒃᓴᖅ ᑮᓇᐅᔭᑦ
  3. ᖃᓄᖅ ᐊᒻᒪᓗ ᖃᖓ ᐅᑎᖅᑦᑐᓐᓇᕐᓂᐊᕐᒪᖔᖅᐱᐅᒃ ᐊᑐᖅᑐᐊᖅᑕᐃᑦ ᑮᓇᐅᔭ

ᐃᓗᓕᖏᑦ ᐅᕙᓂ ᑎᑎᖅᑲᒥᑦ ᓇᓗᓇᐃᖅᓯᒪᓪᓗᐊᖅᑐᑦ ᐊᖓᔪᖅᑳᑉ ᓇᐃᓈᖅᓯᒪᔪᒥᑦ ᐅᓂᒃᑳᖓᓂᑦ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᓐᓂᑦ .

ᓴᖅᑭᑎᑦᑎᓗᑎᑦ ᑮᓇᐅᔭᓂᒃ ᐊᑐᕋᔭᙳᐊᖅᑕᖏᓐᓂᑦ ᓇᓚᐅᑦᑖᖅᖢᑎᒃ ᐊᑐᖅᑐᐊᕐᓂᕈᑎᒃ ᑮᓇᐅᔭᑦ ᐊᑐᖅᑐᒃᓴᓂᑦ ᐱᓕᕆᐊᕆᔭᕐᓄᑦ. ᑕᑯᑎᑦᑎᓗᑎᑦ ᐸᕐᓇᐅᑎᖕᓂᑦ ᖃᓄᖅ ᐅᑎᖅᑎᓐᓂᐊᕐᒪᖔᖅᐱᐅᒃ ᑮᓇᐅᔭᐃᑦ ᐊᑐᖅᑐᐊᖅᑕᑎᑦ ᐊᑐᖅᑐᐊᖅᑎᐅᔪᓂᑦ. ᐃᓚᓕᐅᔾᔨᓗᑎᑦ ᑮᓇᐅᔭᓂᒃ ᐊᑐᕋᔭᙳᐊᖅᑕᖏᓐᓂᑦ ᓇᓚᐅᑦᑖᖅᖢᑎᒃ ᐊᑐᖅᑐᐊᕐᓂᕈᑎᒃ ᑮᓇᐅᔭᑦ ᐊᑐᖅᑐᒃᓴᓂᑦ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᓐᓂᑦ.

ᐊᖏᕈᑎᑖᕐᓗᑎᑦ ᑲᒻᐸᓂᐅᔪᒧᑦ ᐅᐸᒃᑐᐃᔪᓐᓇᖁᓪᓗᒋᑦ ᐊᑐᖅᑐᐊᕐᕕᒃᑯᓐᓄᑦ ᐊᑐᖅᑐᐊᕈᒪᓗᑎᒃ ᑮᓇᐅᔭᓂᒃ, ᑲᒻᐸᓂᐅᔪᓄᑦ ᑲᑎᒪᔨᖃᖅᑐᓄᑦ. ᐃᓚᓕᐅᔾᔨᓗᑎᑦ ᐊᖏᕈᑕᐅᔪᒥᑦ ᐊᔾᔨᖓᓂ ᑐᒃᓯᕋᐅᑎᕕᑦ ᑐᓂᔭᕆᐊᓕᖕᓂᑦ NBCC-ᑯᓐᓄᑦ, ᐊᑲᐅᓗᐊᕋᔭᖅᑐᑦ ᐃᓚᒋᔭᐅᒍᓂ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᓐᓂᑦ.

ᐱᔭᕇᕐᓗᒍ ᐊᑐᖅᑐᐊᕐᕕᒃᑯᑦ ᑐᒃᓯᕋᐅᑎᖓᑦ ᑕᑕᑎᕆᐊᓕᒃ .

ᐱᔭᕇᕐᓗᒍ ᐃᓚᖓ 1 ᐊᒻᒪᓗ 5 ᑲᓇᑕᐅᑉ ᑖᒃᓰᔭᕐᕕᖓ ᑎᒥᖁᑎᐅᔪᑦ ᑕᑕᑎᕆᐊᓕᒃCRA RC59 - ᑲᓇᑕᐅᑉ ᑖᒃᓰᔭᕐᕕᖓ ᑎᒥᖁᑎᐅᔪᑦ ᑕᑕᑎᕆᐊᓕᒃ ᐱᔪᓐᓇᖅᑎᑦᑎᔪᖅ ᐊᑐᖅᑐᐊᕐᕕᒃᑯᓐᓂ ᐊᑐᐃᓐᓇᖃᕈᓐᓇᖁᓪᓗᒋᑦ ᑐᓴᒐᒃᓴᓂᑦ ᓇᖕᒥᓂᕆᔭᕕᑦ ᑖᒃᓯᔭᕐᓂᖓᓂ ᖃᓄᐃᓕᖓᓂᖓᓄᑦ.

ᐱᔭᕇᕐᓗᒍ ᐃᓚᖓ 1 ᐊᒻᒪᓗ 5 ᑕᑕᑎᕆᐊᓕᖕᒥᑦ T1013- ᑲᓇᑕᐅᑉ ᑖᒃᓰᔭᕐᕕᖓ ᑎᒥᖁᑎᐅᔪᑦ ᑕᑕᑎᕆᐊᓕᒃ ᐱᔪᓐᓇᖅᑎᑦᑎᔪᖅ ᐊᑐᖅᑐᐊᕐᕕᒃᑯᓐᓂᑦ ᐊᑐᐃᓐᓇᖃᕈᓐᓇᖁᓪᓗᒋᑦ ᐅᓂᒃᑳᖅᓯᒪᓗᓂ ᓇᖕᒥᓂᖅ ᑖᒃᓰᔭᕈᑎᒃᓴᖓᓂ ᖃᓄᐃᓕᖓᓂᖓᓂᑦ.

ᐃᓱᒪᖅᓱᖅᐳᑎᑦ: ᐱᓗᑎᑦ ᑎᑎᖅᑲᓂᒃ ᐃᑲᔪᖅᓱᐃᔪᓂᒃ ᐊᑐᖅᑐᐊᓚᐅᖅᓯᒪᑐᐊᕐᓂᕈᕕᑦ ᐊᓯᖏᓐᓂᒃ ᐊᑐᖅᑐᐊᖅᑎᑦᑎᔨᐅᔪᓂᑦ, ᑕᑯᒃᓴᐅᑎᑦᑎᔪᒥᒃ ᐊᑭᓕᐊᓂᑦᑎᐊᕐᓂᕆᓚᐅᖅᑕᕐᓂᑦ ᐊᑐᖅᑐᐊᕐᓂᕆᓚᐅᖅᓯᒪᔭᕐᓂᑦ ᑭᖑᓂᐊᓂ.

ᐱᔭᕇᕐᓗᒋᑦ ᐊᑐᖅᑐᐊᕐᕕᒃᑯᑦ ᑐᒃᓯᕋᐅᑎᓄᑦ ᒪᓕᒋᐊᖃᖅᑐᓕᒫᑦ .

ᑲᑎᖅᓱᐃᓗᒋᑦ ᐅᑯᐊᓕᒫᑦ ᖁᓛᓂ ᑎᑎᕋᖅᓯᒪᔪᑦ ᐃᓚᖃᕐᓗᒍ ᐱᔭᕇᖅᓯᒪᔪᒥᑦ ᐱᓕᕆᐊᖑᔪᒃᓴᑦ ᐸᕐᓇᐅᑕᐅᓯᒪᓂᖏᑦ, ᐊᒻᒪᓗ ᓇᒃᓯᐅᑎᓗᒋᑦ ᐅᕗᖓ:

ᐃ) ᖃᕋᓴᐅᔭᒃᑯᑦ ᑎᑎᖅᑲᓕᒫᑦ ᓇᒃᓯᐅᑎᓗᒋᑦ ᐅᕗᖓ credit@nbcc.nu.ca; ᐊᒻᒪᓗ
ᐱ) ᑎᑎᖅᑲᒃᑯᕕᒃᑯᒃ ᐊᐅᓪᓚᖅᑎᓪᓗᒋᑦ ᐊᑎᓕᐅᖅᓯᒪᔪᑦ ᑐᒃᓯᕋᐅᑎᑦ ᑕᑕᑎᕆᐊᓖᑦ ᐊᒻᒪᓗ ᒪᕐᕉᒃ CRA ᑕᑕᑎᕆᐊᓕᑦ; ᐊᒻᒪᓗ ᐃᓚᖃᕐᓗᑎᒃ ᑕᒪᕐᒥᒃ ᐃᑲᔪᖅᓱᐃᔾᔪᑕᐅᔪᑦ ᐸᐃᑉᐹᑦ ᐅᕗᖓ:

ᐊᑐᖅᑐᐊᕈᒪᓂᕐᒧᑦ ᑮᓇᐅᔭᓂᒃ ᑐᒃᓯᕋᐅᑏᑦ
ᓄᓇᕗᒻᒥ ᓇᖕᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐸᕇᓴᓐ
ᑐᕌᕈᑖ 2548, ᐃᒡᓗᕈᓯᖓ 100, ᐸᕐᓇᐃᕕᒃ ᐃᒡᓗᕐᔪᐊᖅ
ᐃᖃᓗᐃᑦ, ᓄᓇᕗᑦ,
X0A 0H0

ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᕿᒥᕐᕈᐊᖅᑕᐅᓂᖓᓄᑦ ᐱᓕᕆᐊᖓᑦ:

  • ᐊᑐᖅᑐᐊᕐᕕᒃᑯᑦ ᐃᖃᓇᐃᔭᖅᑎᑦ ᓇᓗᓇᐃᖅᓯᓂᐊᖅᐳᑦ ᐱᓂᖏᓐᓂᑦ ᑕᒪᒃᑭᖅᑐᓂᒃ ᑐᒃᓯᕋᐅᑎᒥᑦ, ᐊᒻᒪᓗ ᐅᖃᕐᓂᐊᕐᓗᑎᒃ ᑭᓱᑐᐃᓐᓇᓂᒃ ᐃᓚᑯᖃᕐᒪᖔᑕ ᒪᕐᕉᖕᓂᑦ ᐃᖅᑲᓇᐃᔭᕐᓇᓪᓗᐊᓂ ᐅᓪᓗᓂᒃ ᐱᓚᐅᖅᑎᓪᓗᒋᑦ ᓇᒃᓯᐅᑎᔭᕐᓂᑦ ᖃᕋᓴᐅᔭᒃᑯᑦ.
  • ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᖃᓇᐃᔭᖅᑎᖏᑦ ᐊᕿᒃᓱᐃᓕᕋᔭᕐᒪᑕ ᑲᑎᖃᑎᖃᕐᕕᒃᓴᒥᓂᒃ ᐃᓕᖕᓂᑦ ᐅᖃᖃᑎᒋᒍᑎᖃᕐᓗᓯ ᐱᓕᕆᐊᒃᓴᖁᑎᖕᓂᑦ ᑐᒃᓯᕋᐅᑎᖕᓂᒡᓗ ᐊᒻᒪᓗ ᐊᕿᒃᓱᐃᒐᔭᕆᓪᓗᑎᒃ ᐅᖃᖃᑎᒋᒍᑎᒃᓴᓂᒃ ᑎᑎᕋᒃᓯᒪᔪᓂᒃ ᑐᖖᒐᕕᖃᕐᓗᑎᒃ ᑲᑎᒪᖃᑎᖃᓂᒃᓴᕐᓂᒃ ᐊᐱᖁᑎᑎᑦ ᑭᐅᔭᐅᖁᓪᓗᒋᑦ ᐃᕝᕕᑦ ᐅᒡᕙᓗᓂᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐊᐱᖁᑎᒃᓴᖃᕐᓂᖅᐸᑕ ᑕᒪᑐᒧᖓ ᐱᓕᕆᐊᒃᓴᖁᑎᖕᓄᑦ.
  • ᐊᑐᖅᑐᐊᕐᕕᒃᑯᑦ ᐃᖃᓇᐃᔭᖅᑎᑦ ᐊᓱᐃᓛᒃ ᒪᓕᑦᑎᐊᕐᓗᑎᒃ ᕿᒥᕐᕈᐊᑦᑎᐊᕐᓂᐊᖅᐳᑦ ᓇᖕᒥᓂᖅᑖᕆᔪᒪᔭᕐᓂᑦ.
  • ᑮᓇᐅᔭᖅᑖᕈᑕᐅᔪᓄᑦ ᐊᐅᓚᑦᑎᔩᑦ ᑲᑎᒪᔨᕋᓛᑦ: ᑮᓇᐅᔭᖅᑖᕈᑕᐅᔪᓄᑦ ᐊᐅᓚᑦᑎᔩᑦ ᑲᑎᒪᔨᕋᓛᑦ ᐊᑐᖅᑐᐊᕐᕕᒃᑯᓐᓄᑦ ᕿᒥᕐᕈᐊᕐᓗᑎᒃ ᖃᐅᔨᓴᖅᑕᐅᔪᕕᓂᕐᓂᑦ ᐸᕐᓇᒃᑕᐅᓯᒪᔭᕐᓂᑦ, ᐊᒻᒪᓗ ᐅᖃᕐᓗᑎᒃ ᖃᓄᖅᑑᕈᑎᒋᓇᔭᖅᑕᖓᓐᓂᑦ ᐊᑐᖅᑐᐊᕐᕕᒃᑯᑦ ᑲᑎᒪᔨᖏᓐᓄᑦ ᐊᖏᖅᑕᐅᖁᓇᔭᕐᒪᖔᑦ ᐅᕝᕙᓘᓐᓃᑦ ᐋᒃᑳᖅᑕᐅᖁᓇᔭᕐᒪᖔᑦ ᐊᑐᖅᑐᐊᕈᒪᓂᕐᓄᑦ ᑐᒃᓯᕋᐅᑎᕐᓂᑦ. ᐊᑐᖅᑐᐊᕐᕕᒃᑯᑦ ᑲᑎᒪᔨᖏᑦ ᑲᑎᙵᓗᑎᒃ ᑲᑎᒪᓂᐊᖅᐳᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᑲᑎᒪᓗᑎᒃ ᐃᓱᒪᒃᓴᖅᓯᐅᕆᓗᑎᒃ ᖃᓄᐃᓕᖓᓂᐊᕐᒪᖔᑦ ᑐᒃᓯᕋᐅᑏᑦ.

ᓇᓗᓇᐃᔭᐅᑎ ᐊᖏᖅᑕᐅᓂᕐᒧᑦ/ᐋᒃᑳᖅᑕᐅᓂᕐᒧᑦ: ᑐᒃᓯᕋᐅᑏᑦ ᐊᖏᖅᑕᐅᒃᐸᑦ ᖃᕋᓴᐅᔭᒃᑯᑦ ᑎᑎᖅᑲᐅᓯᐊᕐᓂᐊᖅᐳᑎᑦ ᐊᑐᖅᑐᐊᕐᕕᒃᑯᑦ ᐃᖅᑲᓇᐃᔭᖅᑎᖏᓐᓂ ᓅᑉᐸᓪᓕᐊᓕᕐᓗᑎᑦ ᐱᓕᕆᓂᐊᖅᑕᕐᓄᑦ. ᐋᒃᑳᖅᑕᐅᒍᕕᑦ, ᑎᑎᖅᑲᐅᓯᐊᕐᓂᐊᖅᐳᑎᑦ ᐅᓂᒃᑳᖅᓯᒪᔪᒥᑦ ᖃᓄᐃᒻᒪᑦ ᑐᒃᓯᕋᐅᑏᑦ ᐋᒃᑳᖅᑕᐅᖕᒪᖔᑦ. ᐊᑐᖅᑐᐊᕐᕕᒃᑯᑦ ᒪᓕᒐᖁᑎᖏᑎᒍᑦ, ᐱᓕᕆᓂᖃᕈᓐᓇᖅᐳᑎᑦ ᑐᓴᖅᑕᐅᒃᑲᓐᓂᖁᔨᓂᕐᒥᑦ ᐱᔪᒪᒍᕕᑦ.
 

ᑎᑎᖅᑲᒥᒃ ᑐᓂᔭᐅᓂᕐᒥᒃ NBCC-ᑯᓐᓂᑦ ᐃᓕᖕᓄᑦ ᑐᓂᔭᐅᕗᖅ, ᖃᐅᔨᓴᕐᓗᒍ ᐊᒻᒪᓗ ᐊᖏᕐᓂᕐᓄᑦ ᑕᐃᒎᓯᖏᓐᓂ ᐊᒻᒪᓗ ᐱᓂᕐᓗᒃᑕᐅᔾᔭᐃᒃᑯᑎᑦ ᐱᔭᕆᐊᓕᑦ. ᕿᒥᕐᕈᐊᕐᓗᒍ, ᐊᑎᓕᐅᕐᓗᒍ, ᐊᑎᓕᐅᕐᓗᒍ, ᐊᒻᒪᓗ ᐅᑎᖅᑎᓪᓗᒍ ᑎᑎᖅᑲᖅ ᑐᓂᓯᓂᕐᒧᑦ ᐊᑐᖅᑐᐊᕐᕕᒃᑯᓐᓄᑦ ᐱᔭᕇᕈᓐᓇᖁᓪᓗᒍ ᐃᓱᓕᑦᑎᓂᕐᒧᑦ ᐱᓕᕆᐊᒃᓴᐅᔪᓂᑦ.
 

ᓴᐳᓐᓂᐊᖅᑎᑎᑦ ᐸᕐᓇᐃᓗᑎᒃ ᐊᒻᒪᓗ ᓇᓗᓇᐃᖅᓯᓗᑎᒃ ᐊᑎᓕᐅᖅᓯᒪᓕᕐᒪᑕ ᐊᑎᖁᑎᒋᔭᐅᓕᕐᓂᕐᒧᑦ ᐱᓂᕐᓗᒃᑕᐅᔾᔭᐃᒃᑯᑎᑦ ᑎᑎᖅᑲᓂᒃ ᐊᑎᓕᐅᕌᓂᒃᑯᕕᑦ ᑎᑎᖅᑲᒥᒃ ᑐᓂᔭᐅᓂᕐᒥᒃ. ᐱᐊᓂᒍᓐᓇᖅᐳᖅ ᖃᔅᓯᐊᕐᔪᖕᓂᑦ ᐅᓪᓗᓂᑦ ᖃᔅᓯᒐᓚᖕᓂᑦ ᑕᖅᑭᓂᑦ ᖃᓄᐃᑦᑑᓂᖓ ᐱᓂᕐᓗᒃᑕᐅᔾᔭᐃᒃᑯᑎᐅᔪᖅ.

ᑕᑕᑎᕐᓗᒍ 05610 PAP ᐊᔪᕈᓂᖅᑎᑦᑎᒍᑎ ᑕᑕᑎᕆᐊᓕᒃ ᐱᔪᓐᓇᕐᓂᖃᖅᑎᑦᑎᓲᖅ ᐊᑐᖅᑐᐊᕐᕕᒃᑯᑦ ᐲᔭᐃᔪᓐᓇᐅᑎᒥᒃ ᐊᑭᓕᐅᑎᓂᒃ ᑮᓇᐅᔭᖃᕐᕕᖕᓂᑦ ᐊᖏᖃᑎᒌᒍᓯᔅᓯᓐᓂ ᖃᖓᒃᑯᑦ ᐲᔭᐃᕝᕕᐅᖃᑦᑕᕐᓂᐊᖅᑐᓂᑦ.

ᐊᑐᖅᑐᐊᕐᕕᒃᑯᑦ ᑐᓂᓯᓲᖑᕗᑦ ᑮᓇᐅᔭᖁᑎᓂᒃ ᑐᖅᑯᖅᑕᐅᓯᒪᔪᓂᑦ ᒪᓕᒐᓕᕆᓂᐅᑉ ᐃᑲᔪᕈᑎᒃᓴᕐᓄᑦ, ᐊᓱᐃᓛᒃ ᓴᒃᑯᑕᐅᓪᓗᑎᒃ ᓇᖕᒥᓂᕆᔭᕐᓄᑦ.

ᐋᔩᖃᑎᒌᓐᓇᖃᑦᑕᕐᓂᐊᖅᐸᑎᑦ NBCC-ᑯᑦ ᖃᓄᐃᓕᖓᓕᕐᓂᖓᓂ, ᑐᓴᐅᒪᑏᓐᓇᕐᓗᒋᑦ ᓇᖕᒥᓂᕆᔭᐃᑦ ᖃᓄᑎᒋ ᐱᕈᖅᐸᓪᓕᐊᓂᖓᓂ!

ᐊᐊᐱᖅᑯᑎᒃᓴᖃᕈᕕᑦ ᐅᑯᓇᓂ ᓇᓕᐊᑐᐃᓐᓇᓂᒃ ᐊᑐᕆᐊᓕᖕᓂᑦ, ᐅᖃᖃᑎᖃᕆᑦ ᐊᑐᖅᑐᐊᕐᕕᒃᑯᑦ ᐱᓕᕆᔾᔪᔾᔨᕙᒃᑕᖏᓐᓄᑦ ᖃᐅᔨᒪᓂᖓᒻᒪᕆᒃᑐᓂᑦ ᖃᐅᔨᒋᐊᒃᑲᓐᓂᕐᓗᑎᑦ.