ᐱᑎᑕᐅᔪᑦ ᐱᓕᕆᐊᖁᑎᓕᑦ ᑐᓯᕋᒃᑐᑦ

NBCC-ᑯᑦ ᐃᑲᔪᕈᒪᕗᑦ ᐃᑲᔪᖅᓱᐃᓂᕐᒥᑦ ᓇᖕᒥᓂᖅᑖᕆᔭᐅᔪᒪᔪᓂᑦ ᖃᓄᐃᑦᑐᑐᐃᓇᓂᒃ ᐊᕕᒃᑐᖅᓯᒪᔪᓂᑦ. ᐊᑐᖅᐸᓚᐅᖅᑕᑦᑎᓐᓂ, ᐅᓄᕐᓂᖅᓴᐃᑦ ᐊᑐᖅᑐᐊᖅᑕᐅᔪᑦ ᐃᑲᔪᖅᓱᐃᕙᓚᐅᖅᐳᑦ ᓇᖕᒥᓂᕆᔭᐅᔪᓂᑦ ᐃᒡᓗᓂᑦ ᓄᓇᖁᑎᓂᓪᓗ ᓂᐅᕕᐊᒃᓴᖃᕐᓂᖅ, ᐃᒡᓗᓕᐅᕐᓂᖅ, ᓂᐊᕕᕐᕕᖃᕐᓂᕐᓂᑦ, ᑐᙵᒡᓴᕆᓂᕐᒧᑦ ᐊᒻᒪᓗ ᐋᔩᖃᑎᒌᖕᓂᕐᒧᑦ ᐊᕕᒃᑐᖅᓯᒪᔪᓂᑦ.

ᒫᓐᓇᐅᔪᖅ, ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᑲᔪᕈᒪᕗᑦ ᐱᕈᖅᑎᑦᑎᕙᓪᓕᐊᓂᕐᒥᑦ ᐱᓕᕆᔾᔪᔾᔨᕙᒃᑕᖏᓐᓄᑦ ᑐᙵᓂᖏᓐᓂᑦ ᐱᓕᕆᖃᑎᖃᕐᓂᕐᒥᑦ ᓄᓇᕗᒻᒥ ᓇᖕᒥᓂᕆᔭᐅᔪᓂᑦ ᐱᓕᕆᓂᖃᖅᑐᓂᑦ ᐅᔭᕋᕐᓂᐊᕐᓂᕐᒥᑦ, ᐊᖑᓇᓱᖕᓂᖅ ᐊᒻᒪᓗ ᓴᓇᙳᐊᕐᓃᑦ ᑎᑎᕋᐅᔭᕐᓃᑦ ᑕᑯᒃᓴᐅᑎᑦᑎᓃᑦ. ᖃᓄᐃᑦᑐᑐᐃᓐᓇᐅᑎᓪᓗᒍ ᐱᓕᕆᐊᕆᔪᒪᔭᐃᑦ, ᖃᐅᔨᒋᐊᕋᓱᐊᓪᓗᐊᖅᐳᑎᑦ NBCC-ᑯᑦ ᑭᓱᓄᑦ ᑐᓂᓯᔪᓐᓇᕐᒪᖔᑦ.

Chart


ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᑲᔪᕈᒪᕗᑦ ᓇᓗᓇᐃᔭᐃᓂᕐᒥᑦ ᓄᓇᓕᓕᒫᑦ ᐊᑐᐃᓐᓇᖃᑦᑎᐊᕐᓂᖏᓐᓂᑦ ᓇᓕᒧᒌᒃᑐᓂᑦ ᐊᖏᖅᑕᐅᓂᕐᒧᑦ ᐊᑐᖅᑐᐊᕈᑎᒥᑦ. ᐊᕐᕌᒍᒐᓴᓂᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐊᑐᖅᑐᐊᖅᑎᑦᑎᓯᒪᕗᑦ ᑮᓇᐅᔭᓂᒃ ᓇᖕᒥᓂᕆᔭᐅᔪᓂᑦ ᓄᓇᓕᓕᒫᑲᓴᖕᓂᑦ ᓄᓇᕗᒻᒥ. ᖃᓄᐃᑦᑐᑐᐃᓐᓇᖅ ᑲᔪᓯᑦᑎᐊᕈᓐᓇᖅᑐᑦ ᓇᖕᒥᓂᕆᔭᐅᔪᑦ ᓄᓇᕗᒻᒥ ᓄᓇᓕᐅᔪᒥᑦ ᑐᒃᓯᕋᕈᓐᓇᖅᐳᑦ.

ᐊᖏᖅᑕᐅᓂᕐᒧᑦ ᑐᒃᓯᕋᕈᑎᒋᔭᒥᓂᑦ

 

ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᑲᔪᖅᓱᐃᓯᒪᕗᑦ ᐊᒥᓱᓂᒃ ᐱᓕᕆᓂᖃᑦᑎᐊᖅᑐᓂᑦ ᓇᖕᒥᓂᓕᖕᓂᑦ ᐊᕐᕌᒍᒐᓴᓂᒃ ᐊᒻᒪᓗ ᐃᑲᔪᓲᖑᓪᓗᑎᒃ ᓇᖕᒥᓂᓕᖕᓂᑦ ᐱᓕᕆᑦᑎᐊᕈᓐᓇᖅᓯᑎᑦᑎᓂᕐᒥᑦ NBCC-ᑯᑦ ᐃᑲᔪᖅᓱᐃᓯᒪᕗᑦ ᐊᕐᕌᒍᒐᓴᓂᑦ. ᐊᒥᓱᐃᑦ ᐱᓕᕆᓂᖃᑦᑎᐊᖅᑐᑦ ᐊᖏᖅᑕᐅᓪᓗᑎᒃ ᐊᑐᖅᑐᐊᖅᑎᑕᐅᓂᕐᒧᑦ ᐱᖓᓱᓂᒃ ᐱᓕᕆᓂᖃᒻᒪᕆᒃᐳᑦ:

  • ᓴᙱᔪᒥᑦ ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᓂᖏᓐᓂᑦ, ᑕᐅᑐᙳᐊᒐᖃᑦᑎᐊᖅᖢᑎᒃ ᓇᒧᙵᐅᖕᒪᖔᑕ ᓇᖕᒥᓂᕆᔭᖓᓐᓂᑦ;
  • ᐱᓕᕆᓕᒪᓪᓗᑎᒃ ᐊᐅᓚᑦᑎᓂᕐᒥᑦ ᐱᓕᕆᕝᕕᐅᔪᓂᑦ; ᐊᒻᒪᓗ
  • ᐊᑐᐃᓐᓇᖃᖅᖢᑎᒃ ᑮᓇᐅᔭᓕᕆᒃᑲᒥᒃ ᑲᒪᑦᑎᐊᖏᓐᓇᓲᒥᒃ ᑲᒻᐸᓂᐅᔫᑉ ᑮᓇᐅᔭᖏᓐᓂᑦ.

NBCC-ᑯᑦ ᐃᑲᔪᕈᓐᓇᖅᑐᒃᓴᐅᕗᑦ ᓇᓂᓯᓂᕐᒥᑦ ᐊᔪᙱᓐᓂᓕᖕᓂᑦ ᕿᓂᖅᑕᕐᓂᑦ ᓇᖕᒥᓂᕆᔭᐃᑦ ᐱᒃᑲᐅᓕᑦᑎᐊᕈᓐᓇᖁᓪᓗᒍ. ᐅᖃᖃᑎᖃᕆᑦ NBCC-ᑯᑦ ᐱᓕᕆᔾᔪᔾᔨᕙᒃᑐᓂᑦ ᖃᐅᔨᒪᔪᖁᑎᓂᑦ ᑐᑭᓯᐅᒪᑦᑎᐊᕐᓇᖅᑐᓂᒃ ᑭᐅᔾᔪᑎᖃᕐᓂᐊᖅᑐᓂᑦ ᐊᐱᖅᑯᑎᒋᔭᕐᓂᑦ [ᓇᕿᓪᓗᒍ ᐃᖅᑲᓇᐃᔭᖅᑏᑦ ᐅᖃᐅᓯᖃᕐᓂᖏᓐᓂᑦ] ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᕐᓗᑎᑦ NBCC-ᑯᓐᓄᑦ ᐅᕗᖓ  credit@nbcc.nu.ca ᖃᐅᔨᒋᐊᒃᑲᓐᓂᕋᓱᐊᕐᓗᑎᑦ.

ᐊᖏᖅᑕᐅᔪᓐᓇᑦᑎᐊᖁᓐᓗᑎᑦ ᑐᒃᓯᕋᐅᑎᒋᔭᕐᓂᑦ, ᑕᑯᒃᓴᐅᓂᖅᐹᖅ ᐅᓇᐅᕗᖅ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᓂᖃᑦᑎᐊᖅᑐᒥᑦ ᓇᖕᒥᓂᖃᕐᓂᕐᒥᑦ . ᓇᖕᒥᓂᕆᔭᐃᑦ ᓄᑖᖑᒍᓂ ᐅᕝᕙᓘᓐᓃᑦ ᐊᔪᕐᓇᖅᑐᒃᑰᒐᓚᒃᐸᑦ, ᐊᒥᓱᐊᓗᖕᓂᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᒃᑕᖃᐅᖅᑐᑦ ᐅᖃᐅᔾᔨᓂᐊᖅᑐᓂᒃ ᖃᓄᖅ ᐊᐅᓚᑦᑎᔪᓐᓇᕐᒪᖔᖅᐱᑦ ᐱᓕᕆᑦᑎᐊᕐᓂᐅᔪᒥᑦ ᓇᖕᒥᓂᖃᕐᓂᕐᒥᑦ. ᑭᓯᐊᓂᓕ ᓇᑭᑦ ᐱᒋᐊᕐᓂᐊᖅᐱᑕ…?

ᓇᑯᕐᓇᑐᐃᓐᓇᖅᐳᖅ ᓄᓇᕗᒻᒧ-ᑐᕌᖓᔪᓂᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᒃᑕᖃᐅᖅᑐᑦ ᐱᒋᐊᖅᑎᑦᑎᓯᒪᕗᑦ ᐋᖅᑭᒃᓱᐃᓂᕐᒧᑦ ᑲᑎᖅᓱᐃᓪᓗᑎᒃ ᐱᒋᐊᖅᐸᓪᓕᔪᓄᑦ ᑐᓴᒐᒃᓴᐅᔪᓂᑦ ᐊᑐᒐᒃᓴᕆᔭᕐᓂᑦ.  ᐱᓗᐊᖅᑐᒥᑦ ᐊᑑᑎᖃᒻᒪᕆᒃᑐᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᒃᑕᖃᐅᖅᑐᑦ ᑕᐅᑐᒃᑕᑐᐊᖃᑲᐃᓐᓇᕐᓂᓖᑦ ᓇᖕᒥᓂᕆᔭᐅᔪᓂᑦ ᐱᒋᐊᖅᐸᓪᓕᐊᔾᔪᑕᐅᔪᓄᑦ ᐊᒻᒪᓗ ᐃᖏᕐᕋᐃᓐᓇᖅᑐᒥ ᐃᑲᔪᖅᓱᐃᓂᕐᒧᑦ ᐅᕙᓃᑦᑐᑦ: