ᐊᑐᖅᑕᐅᔭᕆᐊᓖᑦ ᐱᑕᖃᕆᐊᖃᑎᑕᐅᔪᑎᖏᑦ

ᒪᕐᕉᖕᓂᑦ ᒪᓕᒋᐊᓕᖕᓂᑦ ᐊᑐᕆᐊᖃᖅᑐᖃᖅᐳᖅ ᑐᒃᓯᕋᕐᓂᐊᕐᓗᓂ ᐊᑐᖅᑐᐊᒐᒃᓴᒥᑦ ᑮᓇᐅᔭᓂᒃ ᐊᑐᖅᑐᐊᕐᕕᒃᑯᓐᓂ:
 

  • ᓇᖕᒥᓂᕆᔭᐃᑦ ᑲᔪᓯᑎᑦᑎᒋᐊᖃᖅᐳᖅ ᐊᓪᓚᕕᖕᒥᑦ ᓄᓇᕗᒻᒥ. ᑲᒻᐸᓂᒋᔭᕕᑦ ᑐᖅᑲᖅᑕᕐᕕᒋᖏᒃᑲᓗᐊᕈᓂ ᓱᖁᑕᐅᙱᓚᖅ, ᑭᓯᐊᓂᓕ ᓄᓇᕗᒻᒥ ᐃᖅᑲᓇᐃᔭᖅᑐᓂᒃ ᐃᓄᖁᑎᖃᕆᐊᖃᖅᐳᑎᑦ ᓇᖕᒥᓂᕆᔭᕐᓂᑦ ᐊᑐᕆᐊᖃᕐᓂᐅᓪᓗᓂ ᒪᓕᒋᐊᓕᖕᒥᑦ.
  • ᐸᕐᓇᒃᓯᒪᔭᕆᐊᖃᕐᓂᐊᖅᐳᑎᑦ ᓇᖕᒥᓂᖃᕐᓂᕋᕈᓐᓇᐅᑎᒥᑦ ᐊᑐᖅᑐᐊᕈᑎᓐᓄᑦ. ᓇᖕᒥᓂᖃᕐᓂᕋᕈᓐᓇᐅᑎ ᒪᓕᒋᐊᓕᖕᒥᑦ ᐊᑐᕆᐊᖃᕐᓂᐅᕗᖅ ᑮᓇᐅᔭᖅᑖᕈᓐᓇᐅᑎᐅᔪᓕᒫᓄᑦ. ᐃᓗᓕᖃᖅᐳᖅ ᑲᑎᙵᔪᓂᑦ ᐊᑭᓕᐅᑕᐅᔪᖅ ᐃᒡᓗᒧᑦ ᓄᓇᒧᓪᓘᓐᓃᑦ ᓄᓇᖁᑎᓄᑦ, ᓇᖕᒥᓂᖃᕐᓂᕋᕈᓐᓇᐅᑎᒥᒃ ᓇᖕᒥᓂᖅ ᐱᖁᑎᓂᒃ, ᐊᒻᒪᓗ ᓇᖕᒥᓂᕐᒥᑦ\ᑕᒪᐃᑎᒍᑦ ᐊᑐᖅᑕᐅᔫᑉ ᐅᑎᖅᑎᑕᐅᓪᓚᕆᖕᓂᐊᕐᓂᕋᕈᑎᖓᓐᓂ ᑐᙵᕕᒋᔭᖏᓐᓂᑦ ᐱᓕᕆᕝᕕᒋᔭᕐᓂᑦ.
  • ᓴᕿᑦᑎᔭᕆᐊᖃᒃᑎᑕᐅᕗᑎᑦ ᑕᓐᓇ ᐱᓕᕆᐊᖁᑏᑦ ᖃᓄᐃᑦᑑᓂᖓᓂᑦ, ᖃᓄᐃᑐᕈᑐᐃᓐᓇᕆᐊᖃᕐᓂᖓᓂᓪᓘᓐᓂᑦ, ᐊᑐᖅᑐᐊᕈᓐᓇᖅᑎᑕᐅᖏᒃᑯᕕᑦ ᑮᓇᐅᔭᖃᒃᑎᑦᑎᔪᓐᓇᖅᑐᒐᓗᐊᓂᑦ ᐱᓕᕆᕕᖁᑕᐅᔪᒥᑦ ᐱᔪᑎᖃᑦᑎᐊᕋᓗᐊᖅᑎᓗᑎᑦ ᐱᓕᕆᓂᕆᒐᔭᖅᑕᕐᓂᑦ ᖃᓄᐃᓗᕆᐊᕈᑎᒋᒐᔭᖅᑕᕐᓂᓪᓗ; ᐅᕝᕙᓗᓂᑦ ᐱᑕᖃᖏᑉᐸᑦ ᑮᓇᐅᔭᖃᒃᑎᑦᑎᔪᓐᓇᖅᑐᓂᒃ ᐱᓕᕆᕕᖕᒥᑦ ᐅᕝᕙᓗᓂᑦ ᐱᓕᕆᕕᑲᓂᕐᒥᑦ ᑮᓇᐅᔭᖃᒃᑎᑦᓯᔪᓐᓇᖅᑐᒥᑦ ᐱᓕᕆᕕᑕᖃᖏᑉᐸᑦ ᓄᓇᓕᖕᓂ ᐱᓕᕆᖃᑎᒋᔪᓐᓇᕋᔭᖅᑕᕋᓗᐊᑦᓯᓐᓂᑦ.


ᐊᒥᓱᓂᒃ ᐊᑐᕆᐊᖃᖅᐳᖅ ᐊᔪᙱᑦᑎᐊᖁᓪᓗᑎᑦ ᐊᖏᖅᑕᐅᓂᕐᒧᑦ ᐊᑐᖅᑐᐊᕈᒪᔾᔪᑎᒥᒃ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᓐᓂᑦ, ᐃᓚᖃᖅᖢᓂ ᐱᔭᕆᐊᓖᑦ ᒪᓕᒐᖅᑎᒍᑦ ᐸᐃᑉᐹᓕᕆᔭᕆᐊᓕᖕᓂᑦ, ᐱᓕᕆᐊᖑᔪᒃᓴᑦ ᐸᕐᓇᒃᑕᐅᓯᒪᓂᖏᓐᓂᑦ, ᐊᓯᖏᓪᓗ. ᖃᐅᓕᒋᐊᕈᒪᒍᕕᑦ ᑭᓱᐃᑦ ᐃᓚᐅᔭᕆᐊᖃᕐᓂᖏᓐᓂᒃ ᑐᒃᓯᕋᕐᓂᕐᒧᑦ, ᐊᒻᒪᓗ ᐊᑐᕆᐊᓖᑦ ᐊᖏᖅᑕᐅᑎᑦᑎᓂᕐᒧᑦ, ᐅᓇ ᑕᑯᒍᒃ ᐊᑐᕆᐊᓖᑦ A-ᒥᑦ Z-ᒧᑦ

ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᖃᓇᐃᔭᖅᑎᑦ ᐃᓄᑑᖃᑎᖃᕐᓗᑎᒃ ᐃᓕᖕᓂᑦ ᐱᓕᕆᖃᑎᖃᕐᓂᐊᖅᐳᑦ ᐱᓕᕆᑎᓪᓗᑕ ᐊᑐᕆᐊᖃᒻᒪᕆᒃᑐᓂᑦ ᐱᓕᕆᐊᕆᔭᕆᐊᖃᖅᑕᑦᑎᓐᓂ, ᖃᐅᔨᓴᑦᑎᐊᕐᓗᑕ ᐃᓱᒪᒋᑦᑎᐊᕐᓗᒍ ᑐᕐᓯᕋᐅᑏᑦ. ᐱᓕᕆᐊᓂᒃᑯᑦᑕ ᖃᐅᔨᓴᕐᓂᕆᑦᑎᐊᖅᑕᑦᑎᓐᓂ, ᑐᓂᓯᓲᖑᕗᒍᑦ ᑮᓇᐅᔭᖅᑖᕈᓐᓇᐅᑎᓂᒃ ᑕᐃᒃᑯᓄᖓ ᐱᓕᕆᐊᒃᓴᐅᔪᓄᑦ ᐱᐅᓂᖅᐹᒥᑦ ᐃᑲᔪᕈᓐᓇᐅᑕᐅᔪᓐᓇᖅᑐᒥᑦ ᐱᓕᕆᑦᑎᐊᕐᓂᕐᒧᑦ.