ᐊᑐᖅᑐᐊᕐᕕᒃᑯᑦ ᐃᑲᔪᕈᓐᓇᖅᐹᑦ ᐱᓕᕆᐊᖁᑎᖃᒃᑐᓃᒃ?

ᑲᓇᑕᒥᑦ ᑮᓇᐅᔭᖃᕐᕖᑦ ᑲᓇᑕᓕᒫᒥᑦ, ᐊᒻᒪᓗ ᐱᓗᐊᖅᑐᒥ ᓄᓇᕗᒻᒥ, ᑐᓂᓯᔪᒪᔪᓐᓃᒐᔪᖕᒪᑕᑦ ᐊᑐᖅᑐᐊᖅᑎᑦᑎᔩᑦ ᐱᓕᕆᒋᐊᓕᕈᑕᐅᔪᒪᔪᓂᒃ-ᐱᒋᐊᓕᓵᕈᑕᐅᔪᓄᑦ ᐅᕝᕙᓘᓐᓃᑦ ᑲᒻᐸᓂᐅᔪᑦ ᐱᓕᕆᓂᖃᕈᑎᒃ ᐱᓕᕆᑦᑎᐊᕐᓂᕐᒥᑦ ᑮᓇᐅᔾᔭᒃᓴᑦᑎᐊᕐᓗᑎᒃ ᐊᐅᓚᑕᖏᓐᓄᑦ.ᑕᒪᓐᓇ ᓴᖅᑭᑎᑦᑎᒋᐊᓪᓚᒃᐳᖅ ᐱᔭᕆᐊᖃᐃᓐᓇᕆᐊᓪᓚᖕᓂᖓᓂ ᐊᓯᐊᒍᑦ ᑮᓇᐅᔭᖅᑖᕈᑎᐅᔪᓂᑦ ᐱᓕᕆᕝᕕᓂᑦ ᓄᓇᕗᒻᒥ ᓲᕐᓗ ᐊᑐᖅᑐᐊᕐᕕᒃᑯᑦ ᐊᒻᒪᓗ ᐱᓕᕆᔪᑎᒃᓴᓕᐅᖃᑎᖏᑦ ᐱᓕᕆᖃᑎᒋᓪᓗᒋᓪᓗ.

ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕖᑦ ᐃᑲᔪᓱᖑᒪᑕ ᓄᑖᓂᒃ ᐊᒻᒪᓗ ᐱᓕᕆᕙᒌᓕᖅᑐᒐᓗᐊᓂᒃ ᐱᓕᕆᐊᖁᑎᓂᒃ ᐊᖏᒡᓕᒋᐊᒃᑲᓂᕈᒪᔪᓂᒃ ᐅᕝᕙᓗᓂᑦ ᐊᕿᒋᐊᕈᒪᑐᐃᓐᓇᕈᑎᒃ ᓂᐅᕕᖅᑎᑦᑎᖃᑦᑕᕐᓂᕐᒥᒍᑦ. ᑕᐃᒪᓕ ᐱᔪᓇᖅᑐᒥᑦ ᐱᓕᕆᐊᖁᑎᖕᓄᑦ ᐸᕐᓇᒍᑎᖃᕈᕕᑦ ᓄᑖᒧᑦ ᐱᓕᕆᐊᖁᑎᒧᑦ ᐱᓕᕆᐊᖁᑏᓪᓗᓂᑦ ᐊᖏᒡᓕᒋᐊᒃᑲᓂᑐᐃᓐᓇᕆᐊᖃᓕᖅᐸᑦ, ᐃᑲᔪᖅᑕᐅᒃᑲᓂᕆᐊᖃᕐᓗᑎᓪᓗ ᑮᓇᐅᔭᖃᒃᑎᑕᐅᒃᑲᓂᕈᑎᒃᓴᒃᑯᑦ, ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᓈᒻᒪᑦᑎᐊᑐᐃᓐᓇᕆᐊᖃᒃᐳᑦ ᐃᓕᖕᓄᑦ.

ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃ ᐊᑐᖅᑐᐊᖅᑎᑦᑎᓯᐅᖑᕗᖅ ᑮᓇᐅᔭᓂᒃ ᒪᑯᓂᖓ ᑭᒡᓕᖃᒃᕕᖃᕐᖢᑎᒃ:

  • ᐊᖏᓂᖅᐹᖓᓂ ᑭᒡᓕᖃᕐᓗᓂ ᐃᑲᔪᖅᓱᐃᓂᕐᒧᑦ ᓇᓕᐊᑐᐃᓐᓇᒥᒃ ᐊᑕᐅᓯᕐᒥᑦ ᐱᓕᕆᕝᕕᐅᔪᓄᑦ ᐅᕝᕙᓘᓐᓃᑦ ᐃᓚᒋᔭᐅᔪᓂᑦ ᐱᓕᕆᕝᕕᐅᔪᓂᑦ ᐅᕗᖓ ᑎᑭᓪᓗᓂ $1 ᒥᓕᐊᓐ;
  • ᐊᖏᓂᖅᐹᖓᓂ ᑭᒡᓕᖃᕐᓗᓂ ᐊᑯᓂᐅᓂᖓ ᖁᕝᕙᖅᓯᒋᐊᕈᑎᓄᑦ ᐱᓕᕆᕝᕕᐅᔪᓄᑦ ᐊᒃᕌᒍᑦ ᑕᓪᓕᒪᐅᕗᑦ ᐊᒻᒪᓗ ᐊᑭᖃᕈᓐᓃᖅᐸᓪᓕᐊᓂᖓ ᐊᕐᕌᒍᑦ 25-ᖑᒐᔪᒃᐳᑦ.
  • ᐊᑭᓴᖅᑐᐃᓗᑎᒃ ᐃᓚᒋᐊᕈᑎᖏᑕ ᐊᑭᑐᓂᖏᓂᑦ.

ᑕᒪᒃᑯᐊ ᐱᓕᕆᐊᒃᓴᐅᔪᐃᑦ ᓄᓇᕗᑦ ᐱᓕᕆᐊᖁᑎᓕᖕᓄᑦ ᐊᑐᖅᑐᐊᕐᕕᒃᑯᑦ ᐃᓱᒪᒋᔭᖓᑦ ᒥᑭᑦᑐᓄᑦ ᐊᒻᒪᓗ ᕿᑎᓪᓗᐊᖓᓃᑦᑐᓄᑦ ᐊᖏᓂᖏᑦ ᓇᖕᒥᓂᕆᔭᐅᔪᑦ ᐅᑯᓇᓂ ᐃᓚᖃᖅᐳᑦ:

  • ᓂᐅᕕᕐᓂᖅ ᐱᖁᑏᑦ ᐱᒋᔭᐅᔅᓲᔭᕐᓂᐊᖅᑐᓂᑦ;
  • ᐊᑐᖅᑐᐊᖅᑎᑦᑎᓂᕐᒧᑦ ᑎᒍᒥᐊᕐᓂᕐᒧᑦ ᐱᐅᓯᑎᑦᑎᕚᓪᓕᖅᑎᑦᑎᓂᖅ;
  • ᐊᑭᓕᒃᓴᓕᒫᑦ ᑲᑎᓐᓂᖏᓐᓂᑦ;
  • ᐊᑮᑦᑐᓄᑦ ᑮᓇᐅᔭᓂᒃ ᐊᑐᖅᑐᐊᕐᓂᕐᒧᑦ ᐸᐃᑉᐹᖅ ᐊᑦᑕᕐᓇᖅᑐᒃᑰᙱᑦᑎᐊᕐᓂᕐᒥᑦ ᑳᓐᑐᕌᒃᑎᐅᔪᓄᑦ;
  • ᑐᓂᓯᓂᖅ ᑮᓇᐅᔭᑦ ᐊᐅᓚᑦᔪᑎᒃᓴᐅᔪᑦ ᓈᓴᖅᓯᒪᔪᑦ ᓇᖕᒥᓂᖁᑎᒋᔭᑦ ᐱᖁᑎᖏᓐᓂ ᐱᓂᕐᒥᑦ; ᐊᒻᒪᓗ
  • ᐱᑲᐃᓐᓇᖅᑐᒥ ᐅᕝᕙᓘᓐᓃᑦ ᐊᑐᖅᑐᐊᑲᐃᓐᓇᒐᒃᓴᒥᑦ ᑮᓇᐅᔭᖅᑖᕈᓐᓇᐅᑎᓂᒃ.

ᑕᒪᕐᒥᒃ ᓇᖕᒥᓂᖃᖅᑎᐅᔪᑦ ᐱᓕᕆᕝᕕᐅᔪᑦ ᓄᓇᕗᒻᒥ ᐃᑲᔪᖅᓯᖅᑕᐅᕗᑦ NBCC-ᑯᓐᓂᑦ. ᖃᖓᑐᐃᓐᓇᑦᑎᐊᒃᑯᑦ, NBCC-ᑯᑦ ᑎᒍᒥᐊᖅᐳᑦ 50-ᓂᑦ 70-ᓄᑦ ᐊᑐᖅᑐᐊᖅᓯᒪᔪᓂᑦ ᓄᓇᕗᒥ ᐱᓕᕆᐊᖁᑎᒋᔭᐅᔪᓄᑦ , ᐊᒻᒪᓗ ᑲᑎᓪᓗᒋᑦ ᐊᑐᖅᑐᐊᖅᑎᓯᒪᔭᖏᑦ $16 ᒡᒥ $18 ᒥᓕᐊᓐᒍᕗᑦ.